Mu gihe kingana n’icyumweru cyose, abayobozi barimo Minisitiri w’intebe wa Ethiopia Haliemariam Dessalegn, Perezida w’u Rwanda Paul Kagame, Uhuru Kenyatta wa Kenya bazaba bari Addis Abeba, bateraniye muri iyo nama.

Muri iyi nama hazanasuzumirwa intego z’iterambere za 2063, ahazaza ha Afurika yunze ubumwe n’ibindi. Hanateganyijwe inama ihuza abaminisitiri b’imari n’igenamigambi bazaba bahuriye muri Ethiopia

Ubusanzwe iyi nama iterana rimwe mu mwaka.

Ibihugu uko ari 19 bihuriye muri COMESA biharanira kugera ku bukungu burambye biciye mu bucuruzi, inganda, ibijyanye n’ikoreshwa ry’ifaranga hagamijwe guhangana n’ibibazo byabangamira iterambere ry’uwo muryango.

Ibihugu bigize COMESA ni Burundi, ibirwa bya Comoros, DRC, Djibouti, Misiri, Eritrea, Ethiopia, Kenya, Libya, Madagascar, Malawi, Mauritius, Seychelles, Sudan, Swaziland, Uganda, Zambia, Zimbabwe n’u Rwanda.