00:00:00 IGIHE NETWORK KN KINYARWANDA EN ENGLISH FR FRANCAIS

Perezida Kagame yakirijwe morali nyinshi y’Abanyarwanda baba i Bruxelles (Amafoto & Video)

Yanditswe na Karirima A. Ngarambe
Kuya 17 February 2022 saa 05:17
Yasuwe :

Abanyarwanda baba mu Bubiligi n’inshuti zabo bakoraniye hanze y’inyubako ikoreramo Umuryango w’Ubumwe bw’u Burayi ari benshi bategereje kuramutsa Perezida Kagame witabiriye inama ihuza EU na AU iri kubera i Bruxelles.

Abanyarwanda batangiye imyiteguro yo kwakira Perezida Kagame i Bruxelles, mu ntangiriro z’iki cyumweru ahari hateguwe imodoka zigomba kubatwara bava mu bice bitandukanye by’u Bubiligi.

Ku manywa yo kuri uyu wa Kane, tariki ya 17 Gashyantare 2022, hanze y’ahakorera EU, Abanyarwanda benshi bari gucinya akadiho mu kugaragaza ishema batewe na Perezida Kagame. Bitwaje ibyapa biriho ubutumwa bwo kwishimira iterambere u Rwanda rugezeho.

Mu kiganiro IGIHE yagiranye na Ambasaderi Dieudoné Sebashongore uhagarariye u Rwanda mu Bubiligi, Luxembourg no mu Muryango w’Ubumwe bw’u Burayi (EU), mbere y’iki gikorwa, yavuze ko impamvu Abanyarwanda biteguye kwakira Perezida Kagame ari ukumushimira ibyiza akomeje kugeza ku gihugu.

Ati “Mu rwego rwo kwishimira ibyo akomeje kugeza ku Banyarwanda ari nabyo izi ngendo arimo zigamije. Abanyarwanda batuye, bakorera cyangwa biga hano mu Bubiligi benshi biteguye kumwakira no gushyigikira iryo terambere akomeje kutugezaho no kudushakira hirya no hino ku Isi. Tuzahora turi inyuma ye rero.”

Yongeyeho ati “Ndashimira mwese muzaza kwitabira uyu munsi ukomeye wo kongera kwereka Umukuru w’Igihugu urukundo mumufitiye nk’uko bisanzwe.”

Muri iyi nama y’iminsi ibiri, Abayobozi b’Ibihugu bazaganira uburyo ibigize imigabane yombi byakongerwamo imbaraga harebwa cyane ibijyanye no kwita ku kibazo cy’imihindagurikire y’ikirere, icyorezo cya Covid-19 n’ishyirwaho ry’uburyo burambye bwafasha kubona ibisubizo ku bijyanye n’amahoro n’umutekano.

Inama ku bufatanye hagati ya Afurika n’u Burayi yemejwe bwa mbere mu 2000, yemerezwa mu Misiri ariko impande zombi zemeranyije imirongo migari y’ubufatanye mu 2007.

Afurika n’u Burayi bisanzwe bifatanya mu nzego zitandukanye zigamije iterambere. Imibare ya EU igaragaza ko mu 2020, u Burayi bwohereje muri Afurika ibicuruzwa bya miliyari 124 z’amayero, mu gihe Afurika yoherejeyo ibicuruzwa bya miliyari 101 z’amayero.

Abanyarwanda baba mu Mujyi wa Bruxelles bahuriye kuri Rwanda House, inyubako ikoreramo Ambasade y'u Rwanda mu Bubiligi mbere yo kwerekeza ku Cyicaro cya EU aho bategerereje kwakira Perezida Kagame
Buri wese yari yitwaje ibendera cyangwa ikindi cyerekana ko ari Umunyarwanda
Yari yambaye ingofero yanditseho amazina ya Paul Kagame mu kwerekana ko amushyigikiye cyane
Bashimye uko Perezida Kagame yahaye umugore ijambo mu miyoborere myiza y'igihugu
Abanyarwanda bitabiriye iki gikorwa bari benshi. Mu butumwa berekanaga bashimye gahunda yo kugeza ubuvuzi kuri bose
Urubyiruko narwo rwerekanye ko rutigeze rwibagirana kuko rwatekerejweho muri gahunda zitandukanye zigamije kuruteza imbere
Abanyarwanda bishimiye kwakira Perezida Kagame no kwerekana impamvu ari we bahisemo
Abanyarwanda baba muri Bruxelles bagaragaje ko abakomoka mu rwa Gasabo bose bari inyuma ya Perezida Kagame
Ni n'umwanya mwiza wo guhamagarira amahanga gusura u Rwanda no kureba ibyiza birutatse
Perezida Kagame biteguye kwakira yitabiriye Inama y'Abakuru b'Ibihugu bya AU-EU
Perezida Kagame ashimwa cyane nk'Umuyobozi ufite icyerekezo
N'abanyamahanga bakunda u Rwanda bifatanyije n'abatuye i Bruxelles mu kwakira Perezida Kagame
Abanyarwanda bahuje imbaraga n'inshuti zabo mu myiteguro yo kwakira Perezida Kagame
Abanyarwanda baba mu Bubiligi bazindutse bakereye kwakirana ibyishimo, urugwiro n’ubudasa Perezida Kagame
Urubyiruko na rwo rwitabiriye iki gikorwa ku rwinshi
Bari bafite akanyamuneza ko kongera kwakira Umukuru w'Igihugu, uwo bafatiraho icyitegererezo
Akanyamuneza kari kose ku maso yabo
Bari bambaye imipira iriho amafoto ya Perezida Kagame mu kwerekana ko bamushyigikiye
Abanyarwanda bunze ubumwe mu kwakira Umukuru w'Igihugu, Paul Kagame

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .