Iyi myitozo yahawe izina rya ‘Exercise Hard Punch II FTX 2017’, yaranzwe no kwerekana uko ibikoresho bya gisirikare bikoreshwa mu bikorwa bya gisirikare.

Nyuma y’imyitozo Perezida Kagame yahuye n’abayobozi mu ngabo z’u Rwanda, RDF, abahagarariye izindi nzego z’umutekano n’abasirikare bakoze iyo myitozo, ababwira ko iyi myitozo ari kimwe mu bikorwa bya RDF byo kubaka ubushobozi n’ubunyamwuga bw’ingabo, kugira ngo zibashe kugera ku ntego.

Yagize ati “Mukomeze imyitozo mubone ubwo bumenyi mukeneye ngo mukore akazi kanyu mu budashyikirwa kandi munabukoreshe mu guhanga udushya tugamije gushaka ikoranabuhanga rishya rifasha RDF kugera ku ntego zayo.”

Yasabye kandi RDF gukomeza kuba inkingi y’impinduka n’iterambere ry’u Rwanda. Ni ku nshuro ya kabiri iyi myitozo ibereye i Gabiro. Iya mbere yabaye ku wa 5 Ugushyingo 2016.

Perezida wa Repubulika ni Umugaba w’Ikirenga w’Ingabo z’u Rwanda. Niwe utangiza intambara, niwe ushyira umukono ku masezerano yo guhagarika no kurangiza intambara. Ni nawe utangiza ibihe by’amage cyangwa ibihe by’imidugararo mu buryo buteganywa n’Itegeko Nshinga n’andi mategeko.

Perezida Kagame akurikiye uko imyitozo ya gisirikare igenda, yicaranye n'Umugaba Mukuru w'Ingabo z'u Rwanda, Gen Nyamvumba Patrick

Iki kigo giherereye mu Karere ka Gatsibo mu Ntara y’Uburasirazuba

Imyitozo nk’iyi yanabaye mu Ugushyingo 2016

Perezida Kagame yari kumwe n'abayobozi mu nzego nkuru z'igihugu barimo Gen James Kabarebe wari Minisitiri w'Ingabo, Uwari Minisitiri wa Siporo n'Umuco, Uwacu Julienne n'Uwari Minisitiri w'Ibikorwaremezo, James Musoni

Bifashisha indebakure mu kwitegereza ibiba biri kubera ku ntera ya kure

Haba hashyizweho za camera n'ahantu ho kurebera amashusho, ku buryo abayobozi bitegereza ibiri kuba bidasabye kwinjira mu ishyamba aho abasirikare biyerekanira

Uwari Minisitiri w'Ingabo, Gen James Kabarebe, Perezida Kagame n'Umugaba Mukuru w'Ingabo z'u Rwanda Gen Patrick Nyamvumba nyuma y'ikiganiro

Perezida Kagame aganiriza abasirikare mu Kigo cya Gabiro

Perezida Kagame yasabye Ingabo z'u Rwanda kuba umusemburo w'impinduka zikenewe

Ingabo z'u Rwanda zijeje Umugaba w'Ikirenga gukomera ku nshingano

Gen Nyamvumba akurikiranye ibikorwa by'Ingabo

Gen Maj Mubaraka Muganga (iburyo) uyobora Ingabo mu Mujyi wa Kigali n'Intara y'Iburasirazuba yicaranye na Gen Maj Jean Bosco Kazura uyobora Ishuri Rikuru rya Gisirikare

Ukeneye kugabanya umuriri w'imbunda umugeraho, yambara utuntu mu matwi

Amafoto: Village Urugwiro