Ibi Obama watorewe kuyobora US mu 2008 akongera gutorwa mu 2012 yabitangaje mu kiganiro yagiranye na televiziyo ya CBS ku cyumweru .

Obama yavuze ko kuba Itegeko nshinga igihugu cye kigenderaho ritemerera umuntu kuyobora manda eshatu ari ibintu byiza cyane kuri demokarasi.

Abajijwe niba yumva aramutse yongeye kwiyamamariza manda ya gatatu yatorwa, atazuyaje yahise asubiza ati “Yego”.

Obama kandi yavuze ko abona Donald Trump umwe mu bakandida bari guhatanira kuziyamamaza ku mwanya wa perezida adashobora kuyobora US kuko abona ameze nkukora ikiganiro mpamo cya televiziyo(Reality TV Show).

Ati” Donald Trump azi icyo yakora abantu bakamwitaho. Ni umukinnyi nyawe w’ibiganiro mpamo(Reality TV Show). Ntibitangaje kuba abantu benshi bamaze kumumenya kandi ntaho ibikorwa byo kwiyamamaza biragera.”

Obama yakomeje avuga ko kuyobora ntaho bihuriye no kwatsa umuriro wo kudaca inkoni izamba maze watangira kugurumana ukigira nkaho utunguwe.

[email protected]