Nkuko umuyobozi ushinzwe ubucuruzi muri iyi kompanyi ishinzwe gutwara abantu mu ndege abitangaza, ngo umukiriya wese wa Qatar airways uzabasha gusaba umwanya we ndetse no kugura itike akoresheje urubuga rwa internet rwayo; www.qatarairways.com, azajya yoroherezwa mu ngendo z’imbere mu gihugu agiyemo nko kubona icumbi rihendutse mu macumbi ibihumbi 800 abarizwa mu byerekezo ibihumbi 83.

Umukiriya uzakoresha ubu buryo kandi azanabasha kubona imodoka zimutwara aho ashaka mu buryo bworoshye kandi buhendutse.

Umukozi ushinzwe ubucuruzi muri iyi kompanyi Hugh Dunleavy yagize ati “twishimiye ubufatanye twagiranye n’ibigo nka booking.com ndetse na Rentalcars.com,…
Abagenzi bacu bazabasha kubona uburyo bwo kubona amacumbi n’imodoka bihendutse bizaborohereza mu ngendo zabo igihe cyose bakoresheje urubuga rwa www.qatarairways.com basaba cyangwa bagura amatike y’indege.”

Uretse kuba umukiriya ushobora gukoresha”Reservation”(soma rezerivasiyo) cyangwa kugura itike y’indege anyuze ku rubuga rwa internet azajya abona ayo mahirwe, bazarushaho kumenya amakuru mu buryo bwihuse, kandi buhendutse kandi mu buryo bworoshye, kuko kuri urwo rubuga, umukiriya abarizaho n’izindi serivise akeneye nko kuba yabasha guhitamo aho akorera ibiruhuko mu buryo bunoze kandi bworoshye.