RDB yafunze Restaurant y’Abayapani ikorera i Kigali inacibwa ibihumbi 300Frw

00:00:00 IGIHE NETWORK

KINYARWANDA

ENGLISH

FRANCAIS

RDB yafunze Restaurant y’Abayapani ikorera i Kigali inacibwa ibihumbi 300Frw

Yanditswe na Uwase Kevine

Kuya 22 February 2023 saa 12:53

Yasuwe :

Yavuzweho:

Urwego rw’Igihugu rw’Iterambere, RDB, rwatangaje ko Restaurant y’Abayapani ‘Sakae Restaurant’ iherereye mu mujyi wa Kigali, yafunzwe by’agateganyo kubera ikibazo cy’umutekano, isuku n’isukura.

Iyi resitora iherereye i Nyarutarama mu karere ka Gasabo, RDB yatangaje ko amabwiriza yo kuba ihagaritse gukora yatangiye tariki 21 Gashyantare 2023.

Uretse gufungwa by’agateganyo, ‘Sakae Restaurant’ yaciwe amande y’ibihumbi 300 Frw.

Iyi ni resitora yari izwiho kugaburira abayigana indyo zo mu Buyapani, Koreya ndetse n’u Bushinwa.

Urwego rw’Igihugu rw’Iterambere, RDB rwongeye kwibutsa abafite serivizi z’ubukerarugendo no gutanga serivise zo kwakira abantu, gukurikiza amategeko n’amabwiriza y’isuku n’umutekano.

PUBLIC NOTICE: Following a joint inspection of Sakae Restaurant in Kigali, the public is hereby informed that it has been temporarily closed from today, 21 February 2023 for flouting safety, hygiene and sanitation standards. The restaurant has also been fined Rwf 300,000. pic.twitter.com/4MnlIYqxdr

— Rwanda Development Board (@RDBrwanda) February 21, 2023