RIB yashyikirije Kenya imodoka yibwe mu 2014

Yanditswe na Akayezu Jean de Dieu
Kuya 9 Gashyantare 2019 saa 01:09
Yasuwe :
0 0

Urwego rw’ubugenzacyaha rw’u Rwanda (RIB), rubinyujije muri gahunda ya Polisi Mpuzamahanga, Interpol (i24/7), rwashyikirije Kenya imodoka yibwe mu 2014 ijyanwa muri Repubulika iharanira Demokarasi ya Congo (RDC).

Kuri uyu wa Gatandatu nibwo RIB yashyikirje Kenya yari ihagarariwe n’urwego rwa Interpol i Nairobi.

Ni imodoka yo mu bwoko bwa Mitsubishi yafashwe muri Kanama 2018, ubwo yari igeze ku mupaka wa Rusizi I mu Rwanda iva i Bukavu muri RDC yerekeza i Burundi.

Sgt. Elvis Kiplimo Rutto wari uhagarariye Interpol ya Kenya, yabwiye itangazamakuru ko iyi modoka yibwe muri Kamena 2014.

Uwo bibye iyi modoka ni umushoramari wakoreraga muri Kenya witwa James Mweya ku wa 28 Gashyantare 2014.

Bikekwako yibwe n’umukomisiyoneri wo muri Kenya, ayigurisha n’abanye- Congo babiri; Uwitwa Jean Claude na Mupero, na bo baje kuyigurisha uwitwa Robert Stephen Jones, ari nawe wayifatanywe.

Umuvugizi wa RIB, Mbabazi Modeste yabwiye “Abagura ibinyabiziga kubanza kumenya inkomoko yabyo.”

Yakomeje agira ati “Ubugenzacyaha bw’u Rwanda buri gukorana n’ubwa Congo kugira ngo turebe ko twagera ku wayibye muri Kenya.”

Muri Mutarama 2019, RIB yasubije Uganda imodoka yo mu bwoko bwa Fuso na moto byari byafatiwe mu Rwanda byibweyo.

RIB ivuga ko ubufatanye hagati y’ibihugu byo mu karere mu gukumira no guhashya ibyaha byambukiranya imipaka buzakomeza.

Sgt. Elvis Kiplimo Rutto (hagati) wari uhagarariye Interpol ya Kenya yashimye ubufatanye hagati y’ibihugu byombi avuga ko iyi ari imodoka ya kabiri u Rwanda rubashyikirije
Imodoka yo mu bwoko bwa Mitsubishi yibwe muri Kenya mu 2014 yasubijwe ba nyirayo

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza