(Rtd) Brig.Gen Rusagara yasabye ko urubanza rwe rutandukanwa n’urwa Col. Byabagamba

00:00:00 IGIHE NETWORK

KINYARWANDA

ENGLISH

FRANCAIS

(Rtd) Brig.Gen Rusagara yasabye ko urubanza rwe rutandukanwa n’urwa Col. Byabagamba

Yanditswe na

Rabbi Malo Umucunguzi

Kuya 16 June 2015 saa 12:35

Yasuwe :

Yavuzweho:

Mu iburanisha ryo kuri uyu wa Kabiri, Me Buhuru, wunganira (Rtd) Brig.Gen. Frank Rusagara yavuze ko nta rusobekerane rw’ ibyaha rukwiriye gutuma (Rtd) Brig.Gen. Rusagara, Col. Byabagamba na Sgt.(demob) Kabayiza baburana mu rubanza rumwe.

Yavuze ko (Rtd) Brig.Gen Frank Rusagara yafashwe ashinjwa amagambo asebya ubuyobozi, Sgt. (demob)Kabayiza agafatwa nyuma ashinjwa imbunda yavanye kwa .(Rtd) Brig. Gen. Rusagara, naho Col. Byabagamba akazira kubika izo mbunda ebyiri zavanwe mu rugo kwa (Rtd) Brig.Gen Rusagara.

Ubushinjacyaha bwavuze ko aho ibyaha bihurira binatuma baburanira hamwe, ariko uko imbunda Rtd. Brig.Gen Rusagara akurikiranweho gutunga mu buryo bunyuranyije n’amategeko nizo Sgt. (demob) Kabayiza yamaranye imyaka ibiri ubwo Rtd Brig.Gen Rusagara atari mu Rwanda, ari nazo Col. Byabagamba yahishe bikavamo icyaha.

Ku magambo asebya Leta kandi nayo Me Gakunzi wunganira Col. Tom Byabagamba yavuze ko bidahura, kuko Rtd Brig.Gen Rusagara ashinjwa ibyo yavugiye mu Rwanda, mu gihe Col.Byabagamba ashinjwa ibyo muri Sudani y’ Epfo.

Urukiko ruracyasesengura isano yaba iri hagati y’ibyo baregwa, yatuma baburanira hamwe cyangwa bagatandukanywa.

Turabagezaho inkuru irambuye iburanisha rirangiye…