Abanyeshuri, n’abahanzi bo mu Karere ka Rubavu bibutse bagenzi babo bazize Jenoside yakorewe Abatutsi, ni umuhango watangijwe n’urugendo rwahereye ku Biro by’Akarere ka Rubavu berekeza kuri Stade Umuganda.

Abafashe ijambo muri uwo muhango wo kwibuka, bagarutse ku buryo urubyiruko arirwo rwakoreshejwe mu gihe cya jenoside, akaba ari narwo rugomba kubaka igihugu ,kuko arirwo bayobozi b’ejo hazaza.

Ndahirwa Louis umukozi muri Komisiyo y’igihugu yo kurwanya jenoside yavuze ko impmvu bafanyije n’lkigo cy’Igihugu gishinzwe imiyoborere ari uko abateguye jenoside bari abayobozi muri icyo gihe, ari nabo bayigizemo uruhare rugaraga bacamo ibice Abanyarwanda.

Abanyeshuri baturutse ku bigo bitandukanye bakaba batanze ibiganiro bijyanye n’amateka yaranze u Rwanda mu gihe cy’Abakoloni, n’uburyo baciyemo abanyarwanda ibice, ndetse akaba aribo bigishije ibya jenoside.

Foto:Maisha P.