Ahagana saa tanu n’igice zo mu ijoro ryo ku wa Gatatu tariki 7 Ukuboza 2016, nibwo iduka ry’imiryango itatu ry’uyu mucuruzi riherereye mu Mudugudu w’Amahoro mu Kagari k’Amahoro muri uwo murenge wa Gisenyi ryahiye rirakongoka ryose.

Umuyobozi w’Akarere ka Rubavu ushinzwe imibereho myiza y’abaturage, Uwampayizina Marie Grace, yabwiye IGIHE ko kugeza ubu bataramenya icyateye iyo nkongi.

Yagize ati “ Iyo nkongi yabaye hagati ya saa tanu na saa tanu z’igice z’ijoro, inzu yose n’ibicuruzwa byose byari birimo birakongoka uretse ko kugeza ubu tutari twamenya icyayiteye n’agaciro k’ibyangiritse.”

Yakomeje avuga ko nyuma y’uko iri duka rifashwe n’iyo nkongi abaturage n’inzego z’umutekano zirimo iza polisi n’ingabo zahise zitabara zizimya uwo muriro.

Iri duka ryafashwe n'inkongi mu saha y'ijoro ryo ku wa Gatatu

Kugeza ubu icyateye iyi nkongi ntikiramenyekana n'agaciro k'ibyangiritse

Ibicuruzwa byahiye birakongoka

Imodoka ya Polisi izimya inkongi yagerageje kuzimya uwo muriro nubwo ibicuruzwa byari byamaze kwangirika