Ibi byabereye mu Karere ka Rubavu, mu Murenge wa Mudende mu masaha ya saa saba z’ijoro.

Umunyamabanga Nshingwabikorwa w’Umurenge wa Mudende, Rudatinya Vianney, yemeje aya makuru, avuga ko ubugenzacyaha bwatangiye iperereza.

Ati “Twamenye aya makuru saa saba z’ijoro ko Kabagema Salathiel yahiriye mu kiraro aho yarariraga inka ze. Inzego zishinzwe, Ubugenzacyaha na Polisi, zahageze zirimo kwegeranya ibimenyetso.”

Yakomeje avuga ko nta muntu ukekwaho kuba yabigizemo uruhare ashimangira ko hategerejwe amakuru azava mu iperereza.

Bamwe mu baturage bavuze ko uyu musaza yaherukaga kugaragara yasinze ku mugoroba w’itariki ya 7 Mutarama, gusa ntibiramenyekana neza niba byaba bifitanye isano n’uyu muriro wamuhitanye.