Iyi nkongi yatangiye mu masaha ya saa Tanu za mugitondo, yafashe ibisheke byo mu Mudugudu wa Ngona n’uwa Rwahi, Akagari ka Rwahi mu Murenge Shyorongi.

Polisi yavuze ko ikoresheje imodoka zizimya umuriro ku bufatanye n’abaturage yashoboye kuyizimya.

Umuvugizi wa Polisi mu Ntara y’Amajyaruguru, CIP Ignace Ngirabakunzi, yabwiye IGIHE ko inkongi yazimijwe ku bufatanye n’abaturage.

Ati “Inkongi yazimijwe ku bufatanye bwa Polisi n’izindi nzego n’abaturage.”

CIP Ngirabakunzi yahamije ko icyateye iyi nkongi kitaramenyekana kuko “ haracyakorwa iperereza.”

Ati “Abantu birinde ibintu bishobora guteza inkongi cyane cyane uburangare by’umwihariko muri iki gihe ibintu byinshyi byumye bikomotse ku mpenshyi. Kenshi iyo bihuye n’umuriro, kuwuzimya biragorana bigatuma hangirika byinshi bityo abantu bitwararike ibirebana n’umuriro bizafasha mu gukumira icyateza inkongi.”