Byabereye mu mudugudu wa Mihabura mu Kagali ka Nyange mu Murenge wa Bugarama .

Abaturage bavuga ko Kwizera wari urangije Kaminuza mu bijyanye n’ubuvuzi rusange yagiye mu bwiherero ahita agwamo.

Ibi byabaye saa kumi z’Umugoroba kuri iki Cyumweru tariki ya 21 Gashyantare nk’uko Umunyamabanga Nshingwabikorwa w’Umurenge wa Bugarama Girbert Rukazambuga yabitangarije umunyamakuru wa IGIHE.

Yagize ati “umuntu yaguye muri toilette, toilette imugwaho kugeza na n’ubu turacyari gucukura na douche byose byamuguyeho. Ubutaka bw’aha buroroshye.”

Akomeza avuga ko ubu bwiherero bufite uburebure bwa metero 14 mu bujyakuzimu. kugeza saa yine z’ijoro yari ataraboneka .

Polisi n’abaturage bari bagikomeje gutanga ubutabazi ariko ntibari bakageze kuri uyu musore, ndetse n’uruganda rwa Cimerwa rwabatije imashini ariko bari bataramugeraho.

[email protected]