Umurambo w’uyu muhungu wabonetse mu giti cy’avoka mu gitondo cyo kuri uyu wa 18 Mutarama 2017, ubonywe n’umwana wari uri kwahira ubwatsi nk’uko byemejwe na Safari Dieudonne, Umunyamabanga Nshingwabikorwa w’agateganyo w’Umurenge wa Gitambi.

Yagize ati “Umurambo we wari umanitse mu giti cy’ivoka, hari haziritsemo umugozi uri mu ijosi rye, umurambo uri kunagana. Ejo ngo nibwo yavuye iwabo agiye kwa nyirakuru ariko ngo ntiyahageze. ”

Akomeza agira ati “Umurambo we bawubonye nka saa tatu za mu gitondo , umwana wari uri kwahira niwe warebye hejuru amubona amanitse mu mugozi mu giti.”

Uyu musore wabanaga n’ababyeyi be Iyamuremye Theogene na Mukase Mukandahungwa Jeannette, ngo nta kibazo yari afitanye n’iwabo.

Umurambo we wajyanywe ku bitaro bya Mibirizi gusuzumwa.

[email protected]