Bamwe mu bakora muri aya macumbi bavuga ko kuya 4 Mutarama 2017 mu masaha ya saa cyenda aribwo Ngoga yavuye ku kazi nkuko bisanzwe ajya kuryama ariko bigeze saa kumi bagiye gukoropa bumva ikintu kikubise hasi, barebye basanga niwe witabye Imana.

Nayinganyiki Obed ati “Hari umusore wari ugiye gukoropa aza kuduhuruza ngo yumvise ikintu kikubita hasi, tuzamutse dusanga ni wa musaza waguye hasi, yashizemo umwuka.”

Ngoga wari mu kigero cy’imyaka 45, akomoka i Kigali akaba yakoraga mu mushinga w’Abasuwisi ukwirakwiza amazi.

Umuvugizi wa Polisi mu Ntara y’i Burengerazuba, CIP Théobald Kanamugire, yatangaje ko umurambo wa nyakwigendera wajyanywe ku Bitaro bya Gihundwe kugira ngo ukorerwe isuzumwa harebwe icyamwishe.

Amakuru agera ku IGIHE ni uko umukozi wakoraga isuku na Nyiri amacumbi bajyanywe kuri Sitasiyo ya Polisi ya Kamembe mu gihe iperereza ku cyamwishe rigikomeje.

Bar Umucyo aho Ngoga yaguye

Icyumba Ngoga yaguyemo yari akimazemo umwaka n'amezi abiri

[email protected]