Umuhango wo gutanga izo mpamyabumenyi warabaye kuwa 23 Mata 2015 mu Mujyi wa Delft iryo shuri riherereyemo, wari wanitabiriye na Ambasaderi Jean Pierre Karabaranga uhagarariye u Rwanda mu Buholandi, washimiye abo banyarwanda bagaragaje ubutwari mu mezi 18 bamaze bigayo.

Nyuma yo guhabwa izo mpamyabumenyi, abo banyeshuri batangarije IGIHE ko bagiye kugaruka bwangu mu Rwanda, bagafasha abahinzi gukemura ibibazo byinshi.

Janvier Hakuzimana yagize ati “Ibishanga byo mu Rwanda bikorerwamo ubuhinzi bwuhira imyaka usanga ahenshi bonona amazi, hari aho bakoresha menshi ndetse n’aho bakoresha macye...”

Mu bindi aba banyeshuri basoje amasomo biteguye kuza gufasha abanyarwanda, harimo Guhugura abashinzwe imyuhirire (irrigators) mu bishanga binyiranye, ibi bikaba byazafasha kongera umusaruro mu buhinzi.

Biteguye kandi gushinga umuryango w’abakoresha amazi (water user associations), gushyiraho uburyo bwo kwishyuza amazi mu buhinzi (water pricing)za), Kugenzura niba abuhira batabangamira ibidukikije (Environmental impacts assessment of irrigation schemes) n’ibindi.

Babiri muri abo banyeshuri baminuje mu by’iterambere ry’ubutaka n’amazi (Land and Water Development), batatu (3) baminuza mu by’amazi yo mu Mijyi n’isukura (Urban Water and Sanitation: Sanitary Engineering), abandi babiri muri “Water Resources Management”, umwe aminuza muri “Hydrology and wter resources”, mu gihe abandi babiri baminuje muri “Hydraulic Engineering&River Bassin Development”.
Prof Stefan Uhlemnbrook, Vice-Rector and office in charge

Prof Stefan Uhlemnbrook, Umuyobozi w’ishuri wungirije

Tuyishimire Olivier wari usanzwe ayobora abandi banyeshuri muri UNESCO-IHE

Uretse abazasigara banoza ibitabo bya bo kugirango bitangazwe, abandi bazagera mu Rwanda kuwa kane w'icyumweru gitaha