Ku mugabane w’u Burayi mu bantu bakuze, umuntu umwe kuri bane aba akoresha ibiyobyabwenge. Ni ukuvuga ko nibura abasaga miliyoni 85 bagerageje gukoresha ibyobyabwenge mu buzima bwabo.

Ese umuntu yavuga ko ari byiza cyangwa birakabije. Raporo yashyizwe ahagaragara n’ikigo gishinzwe ubugenzuzi ku ikoreshwa ry’ibiyobyabwenge ku mugabane w’u Burayi itangaza ko imiti ikoreshwa mu kongerera ubwonko imbaraga nibura hagaragaye ingero 73 mu 2012 mu bihugu bigize Umuryango w’Ubumwe bw’u Burayi.

Nk’uko byatangajwe na europa.eu, raporo yatangajwe ku wa 28 Gicurasi na Wolfgang Götz yagaragaje ko ikibazo gikomeye mu bihugu bigize Umuryango w’Ubumwe bw’u Burayi, Croatia, Turkey na Norvege.

Icyagaragaye ariko ni uko abakoresha ibiyobyabwenge nka Heroin n’abayitera wagabanutse na none abakoresha urumogi na Cocaine bakagabanuka mu bihugu bimwe. N’ubwo bimeze bityo ariko haracyari ibiyobyabwenge bigurishwa rwihishwa ndetse hari n’aho bishyirwa ku mugaragaro.

Raporo igaragaza ko abagera kuri miliyoni 77 bo ku mugabane w’u Burayi, bari hagati y’imyaka 15 na 64 bagerageje kunywa urumogi. Miliyoni eshatu muri abo barukoresha buri munsi. Hanze y’umugabane w’u Burayi umubare w’abakoresha ku nshuro ya mbere Heroin nk’umuti bageraga ku 59,000 mu 2007 na ho mu 2011 baragabanuka bagera ku bihumbi mirongo ine na kimwe.