Igikorwa cyo kuzishyikiriza u Rwanda cyabereye ku mupaka uhuza ibihugu byombi mu Mudugudu wa Kabavomo mu Kagari ka Nteko, ku wa Kane tariki ya 17 Gashyantare 2022.

Umunyamabanga Nshingwabikorwa w’Umurenge wa Busanze, Fidèle Ndamuramya, yabwiye IGIHE ko izo nka zibwe mu ijoro ryo ku wa Gatatu tariki ya 16 Gashyantare 2022 zambutswa mu Burundi.

Nyuma yo kwibwa zafatiwe muri Komini Kabarore mu Ntara ya Kayanza mu Burundi.

Ati “Ni Abanyarwanda bazibye barazambutsa hakurya bashaka kujya kuzigurishayo. Bazidushyikirije ejo saa yine z’amanywa.”

Igikorwa cyitabiriwe n’abayobozi b’inzego z’ibanze n’iz’umutekano ku mpande zombi.

Ndamuramya yavuze ko kigaragaza ubufatanye mu gukumira ibyaha kandi atari ubwa mbere bibaye.

Yavuze ko umwaka ushize hari inka yari yibwe nanone u Burundi bwashyikirije u Rwanda ndetse u Rwanda na rwo rubushyikiriza imashini ebyiri zizamura amazi zari zibweyo.

Yasabye abaturage kwirinda ibyaha bitandukanye birimo n’ubujura kuko inzego z’ubuyobozi n’iz’umutekano zitazabihanganira.

Igikorwa cyo kuzishyikiriza u Rwanda cyabaye ku wa Kane tariki ya 17 Gashyantare 2022 mu Mudugudu wa Kabavomo mu Kagari ka Nteko

Nyuma yo kwibwa zafatiwe muri Komini Kabarore mu Ntara ya Kayanza mu Burundi

U Burundi bwashyikirije u Rwanda inka ziheruka kwibwa mu Karere ka Nyaruguru

Abaturage basabwe kwirinda ibyaha birimo n'ubujura

[email protected]