Ibihugu bitandatu byateye intambwe mu miyoborere mu gihe ibindi byinshi byasubiye inyuma, ni u Rwanda, Côte d’Ivoire, Maroc, Sénégal, Somalie na Zimbabwe.

Iyo raporo igaragaza ko ibihugu biza imbere y’ ibindi mu miyoborere muri Afurika muri uyu mwaka ari Ibirwa bya Maurice, Cap Vert, Botswana, Afrique y’ Epfo, Namibie, Ibirwa bya Seychelles, Ghana, Tunisie, Sénégal na Lesotho.

U Rwanda ruri kumwanya wa 11, ari nawo rwariho mu mwaka ushize.

Ibihugu bitatu bya mbere muri Afurika mu miyoborere aribyo Ibirwa bya Maurice, Cap Vert na Botswana byasubiye inyuma mu manota mu bintu bibiri muri bine byibanzweho mu myaka ine ishize, hakibazwa niba bizakomeza kuyobora ibindi mu gihe kiri imbere.

Ibihugu bya Somalie, Repubulika ya Centrafrique, Soudan y’ Epfo, Mali, Guinée-Bissau na Libye, byasubiye inyuma cyane kubera ko byibasiwe n’ intambara.

Bimwe mu byitabwaho mu gutanga amanota, harimo umutekano no gukurikiza amategeko, uruhare bigira mu kubahiriza uburenganzira bwa muntu, amahirwe atangwa mu iterambere rya muntu n’ ibindi bigera kuri 14 bijyana nabyo.

Muri uyu mwaka hiyongereyemo serivisi zitangirwa kuri internet, kugenzura uburyo guverinoma zifata abaturage, uburyo bwo gusoresha n’ ibindi.