Ku ruhande rw’u Rwanda, ayo masezerano yashyizweho umukono na ACP Tony Kuramba, wari wanitabiriye inama Mpuzamahanga ku kurwanya ibiyobyabwenge i Doha muri Qatar.

Ku ruhande rwa Quatar, ayo masezerano yashyizweho umukono n’umuyobozi w’Ishami ryo kurwanya ibiyobyabwenge muri Minisiteri y’Ubutegetsi bw’Igihugu muri Quatar, Brig.Ahmed Khalifa al-Kuwari nk’uko amakuru dukesha Gulf Times abivuga.

Aya masezerano yahujwe n’inama yigaga ku bibazo biterwa n’ikwirakwizwa ry’ibiyobyabwenge (Qatar International Anti-Drug Forum) yaberaga i Doha.

Aya masezerano ashyizweho umukono nyuma y’aho mu mpera z’umwaka ushize ndetse na mbere y’aho hagaragariye abacuruza ibiyobyabwenge, ndetse bamwe bafatiwe mu Rwanda kandi bahageze baciye ku kibuga cy’indege mpuzamahanga cya Doha muri Qatar bavuye muri Amerika y’epfo.

[email protected]