Nyuma y’uko bigaragaye ko u Rwanda rugenda rutera imbere mu ikoreshwa ry’ikoranabuhanga mu bice byose, mu kwezi k’Ugushyingo 2013, impuguke zitandukanye zizateranira i Kigali zisuzuma inzagihe y’ikoreshwa ry’ikoranabuhanga mu buhinzi.

Inkuru yanditswe n’urubuga humanipo.com, ivuga ko iyo nama izatangira ku itariki ya 4 irangire ku ya 8 Ugushyingo 2013, izitabirwa n’abahinzi, aborozi, abarobyi n’abandi bafite aho bahuriye n’ibyo bikorwa; bakazaganira ku dushya mu ikoreshwa ry’ikoranabuhanga ndetse banungurana ibitekerezo bitandukanye.

Mu bandi bazitabira iyo nama harimo impuguke zitandukanye, abarimu ba kaminuza, ba rwiyemezamirimo n’abakora ibikorwa by’ikoranabuhanga.