Umujyi wa Kigali wahuguye abagore ku ibarankuru ry’imiyoborere

Yanditswe na Twarabanye Venuste
Kuya 2 Ugushyingo 2019 saa 12:54
Yasuwe :
0 0

Umujyi wa Kigali wahuguye abagore n’abakobwa 35 ku bijyanye no kubara inkuru no kwisobanura ku buryo bizaborohera kuvuga mu ruhame no gusobanura imishinga.

Umukozi w’Umujyi wa Kigali ukora mu ishami rishinzwe guteza imbere umurimo, Rusimbi Charles, yabwiye itangazamakuru ko amahugurwa nk’aya abafasha gusobanura neza ibyo bashaka kuvuga mu buryo bw’inkuru.

Ati “Dufite abantu 100 twigishaga amategeko y’umuhanda, biyemeje gutwara moto, muri abo bagore rero twakuyemo 35 tubahugura ku byo bita ‘ibarankuru ry’imiyoborere’ bibafasha kuba bakwisobanura cyangwa ufite nk’umushinga akawusobanura neza.”

Iradukunda Rachel yavuze ko amahugurwa bahawe azabafasha kwitinyuka. Agira ati “Byinshi nize ni ibizagenda bimfasha gutinyuka kuvuga mu ruhame, nkavuga ikindi ku mutima cyiza ngatinyuka no gushyira mu bikorwa intumbero yanjye.”

Mugenzi we, Mukankurunziza Françoise, avuga ko ayo mahugurwa bayigiyemo imyitwarire ikwiye. Agira ati “Hari igihe umuntu aba yitinya cyangwa yaba atitinya akaba atazi imyifatire agomba kugira mu bantu, akaba yavuga ariko ugasanga ibyo avuga ni imyifatire ntabwo bihura neza ariko iyo abonye amahugurwa nk’aya amenya ngo azitwara atya bitewe n’abo bari kumwe.”

Tuyizere Olive avuga ko ku muntu uri gushaka akazi yakageramo agasanga afite ubumenyi bw’ibanze, bwamufasha igihe yabonye amahugurwa nk’ayo.

Ati “Aya mahugurwa aragufasha cyane nk’iyo uri gushaka akazi kuko baba barakwigishije ukuntu wakwitwara ugeze imbere y’umuntu, ukuntu wasubiza, ukuntu wayobora niba ari ukuyobora niba ari akazi ko kuyobora ushaka, ukuntu wanoza akazi kawe uko watanga serivisi uko wakwakira abakugana.”

Ishami rishinzwe guteza imbere umurimo mu Mujyi wa Kigali rifite abantu bagera kuri 600 barimo 100 biga amategeko y’umuhanda, ari nabo barimo abo bahuguwe.

Amahugurwa ku ibara nkuru ry'imiyoborere abafasha gusobanura imishinga no kurushaho kwigirira icyizere no kugera ku ntego zabo
Mukankurunziza yavuze ko ari amahugurwa bamenyeramo imyitwarire ikwiye
Tuyizere Olive avuga ko ku muntu uri gushaka akazi afite ubumenyi bw’ibanze aya mahugurwa yamufasha

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza