EWSA barishimira ko gutanga serivisi neza byazamutse bikagera kuri 70%

00:00:00 IGIHE NETWORK

KINYARWANDA

ENGLISH

FRANCAIS

EWSA barishimira ko gutanga serivisi neza byazamutse bikagera kuri 70%

Yanditswe na

Emmanuel Kwizera

Kuya 18 February 2013 saa 11:39

Yasuwe :

Yavuzweho:

Ikigo gishinzwe Amazi, Isuku n’Ingufu mu Rwanda EWSA, gitangaza ko cyanogeje serivisi ugereranyije no mu myaka ishize haba ku mazi no ku mashanyarazi.
Mu kiganiro cyanyuze kuri televiziyo y’igihugu ku cyumweru tariki ya 17 Gashyantare 2013, abayobozi ba EWSA bagaragaje ko mu myaka umunani ishize serivisi zavuguruwe ku ijanisha rya 70% hagendewe ku mikorere mishya yagiye itangizwa mu gutanga amazi n’amashanyarazi.
Uyu musaruro wa EWSA ngo waturutse mu nzira zitandukanye zirimo kwifashisha (…)

Ikigo gishinzwe Amazi, Isuku n’Ingufu mu Rwanda EWSA, gitangaza ko cyanogeje serivisi ugereranyije no mu myaka ishize haba ku mazi no ku mashanyarazi.

Mu kiganiro cyanyuze kuri televiziyo y’igihugu ku cyumweru tariki ya 17 Gashyantare 2013, abayobozi ba EWSA bagaragaje ko mu myaka umunani ishize serivisi zavuguruwe ku ijanisha rya 70% hagendewe ku mikorere mishya yagiye itangizwa mu gutanga amazi n’amashanyarazi.

Uyu musaruro wa EWSA ngo waturutse mu nzira zitandukanye zirimo kwifashisha ba rwiyemezamirimo nko mu gutanga amashanyarazi ku bafatabuguzi bashya, kuba ku rubuga rwa ‘internet’ rwa EWSA harashyizwe inyandiko zifashishwa na buri wese wifuza serivisi z’amazi cyangwa amashanyarazi atavuye aho ari n’ibindi.

Hari impinduka nyinshi zagezweho mu gutanga serivisi zijyanye n'amashanyarazi hafashwa abakiliya

Asobanura kuri serivisi zitangwa ku mazi muri EWSA, Minani Theoneste ukuriye ishami rishinzwe amazi muri iki kigo ati “Amazi akorwa n’inganda zacu, kandi n’iyo hari umukiriya ugize ikibazo n’ubwo haba ari nijoro kirakemurwa kuko abakozi bacu bakora amanywa n’ijoro. Igipimo cya serivisi zacu cyavuye kuri 40% kigera kuri 70% mu myaka itarenze umunani. Ni ikigaragaza ko atari EWSA gusa ibikora ahubwo ni hamwe n’abandi kugira ngo tugere ku ntambwe ishimishije.”

Uwanyiligira Aimée ushinzwe Ishami ry’Ingufu muri EWSA, we ati “Hari ba rwiyemezamirimo dukorana mu buryo bwo kugurisha amashanyarazi ya Cash Power. Ntibikiri ngombwa ko uje kugura amashanyarazi aza kuri EWSA. Hari n’uburyo bwo kugura amashanyarazi hifashishijwe telefoni ngendanwa umukiriya atavuye aho ari.”

Umuyobozi Mukuru wa EWSA Muyange Yves, avuga ko mu myaka nk’itatu ishize u Rwanda ruri mu bihugu byateye intambwe igaragara mu gutanga serivisi neza. Avuga ko babigezeho ku bufatanye na ba rwiyemezamirimo bafatanya korohereza abantu kubona amashanyarazi vuba, bakihutisha serivisi zitangwa.

Kugira ngo iyi ntambwe yatewe ikomeze izamuke, busaba ko buri muturage yagaragaza ahantu hari ikibazo nk’aho amazi aba ari kumeneka, ahari ibibazo by’amashanyarazi n’ibindi kugira ngo hoherezwe abakemura ibyo bibazo hakiri kare agahamagara EWSA kuri 3535.