00:00:00 IGIHE NETWORK KN KINYARWANDA EN ENGLISH FR FRANCAIS

Hari abashakana batabyumvikanyeho bikabakururira kubana nabi

Yanditswe na

Umurerwa Emma-Marie

Kuya 16 November 2012 saa 01:31
Yasuwe :

Gushaka umugore cyangwa umugabo, ni icyemezo cy’umuntu afata ku giti cye bitewe n’urukundo umuntu afitiye uwo bagiye gushakana. Iyo hagize undi muntu ubigiramo uruhare ku gahato, bigira ingaruka kuri ba nyirubwite n’ubwo rimwe na rimwe hari igihe umuranga aba ngombwa.
Iki kibazo cyo gushakana n’uwo udakunda gikunze kuba ku bakobwa, ngo bikaba biterwa n’uko bidakunze korohera umukobwa guhitamo uzamubera umugabo bityo agahora ategereje uzaza atazi n’igihe azazira yamara kwiheba abona imyaka ibaye (...)

Gushaka umugore cyangwa umugabo, ni icyemezo cy’umuntu afata ku giti cye bitewe n’urukundo umuntu afitiye uwo bagiye gushakana. Iyo hagize undi muntu ubigiramo uruhare ku gahato, bigira ingaruka kuri ba nyirubwite n’ubwo rimwe na rimwe hari igihe umuranga aba ngombwa.

Iki kibazo cyo gushakana n’uwo udakunda gikunze kuba ku bakobwa, ngo bikaba biterwa n’uko bidakunze korohera umukobwa guhitamo uzamubera umugabo bityo agahora ategereje uzaza atazi n’igihe azazira yamara kwiheba abona imyaka ibaye myinshi akemera uje n’iyo we yaba atamukunda.

Nk’uko bamwe mu bakobwa n’abagore babitangarije IGIHE, ngo hari abakobwa bagera mu myaka 30 ababyeyi, abavandimwe n’inshuti bagatangira kubabwira ko bagumiwe bigatuma babana n’ubonetse wese.

Umugore w’imyaka 34 warangije kaminuza ufite n’akazi kamuhemba amafaranga atubutse, yatubwiye ko amaze imyaka ibiri abanye n’umugabo we. Ku myaka 32, ababyeyi be ngo batangiye kumubwira ko yagumiwe, abantu batandukanye na bo bakamubwira ko ashaje.

Mukuru we yamuhuje n’umuhungu waje no kumubera umugabo, ariko uyu mugore ngo barinze babana atamukunda na gato kandi ngo yaranabimubwiraga umugabo akamubwira ko urukundo ruza buhoro buhoro azageraho akamukunda.

Kubera kubura urukundo rwo gukunda umugabo we, uyu mugore yatubwiye ko hagati yabo hahora intonganya za hato na hato, dore ko ngo yanasanze hari ibintu bitandukanye batumvikanaho bitewe n’uko hari ibyo umugabo yamukinze mbere y’uko babana.

Abantu batandukanye twaganiriye badutangarije ko abakobwa ari bo babigiramo uruhare, kuko ngo umuntu mukuru aba akwiye kwifatira icyemezo cyane cyane ku birebana no gushaka uwo bubakana.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .