00:00:00 IGIHE NETWORK KN KINYARWANDA EN ENGLISH FR FRANCAIS

Huye:Kirabiranya yateye abana bamwe kuva mu ishuri

Yanditswe na

Marie-Chantal Nyirabera

Kuya 17 November 2012 saa 11:38
Yasuwe :

Indwara ya kirabiranya yateye mu ntoki ikangiza insina, yasigiye abaturage ubukene, bamwe babura uko bakomeza ishuri.
Iyo ndwara yakoze ku bahinzi bari batunzwe n’ubuhinzi bw’urutoki, yafatiwe ingamba n’ ikigo cy’ Igihugu cy’ubuhinzi (RAB) gifatanyije na Minisiterei y’ ubuhinzi n’umushinga w’Ababiligi BTC nyuma yo kugera ku buso bungana na hegitari 3200.
Abaturage bo mu murenge wa Mukura Akagari ka Buvumo, batangaza ko ubu batagikoresha amakwe, bamwe abana bavaye mu ishuri kubera kubura amikoro (...)

Indwara ya kirabiranya yateye mu ntoki ikangiza insina, yasigiye abaturage ubukene, bamwe babura uko bakomeza ishuri.

Iyo ndwara yakoze ku bahinzi bari batunzwe n’ubuhinzi bw’urutoki, yafatiwe ingamba n’ ikigo cy’ Igihugu cy’ubuhinzi (RAB) gifatanyije na Minisiterei y’ ubuhinzi n’umushinga w’Ababiligi BTC nyuma yo kugera ku buso bungana na hegitari 3200.

Abaturage bo mu murenge wa Mukura Akagari ka Buvumo, batangaza ko ubu batagikoresha amakwe, bamwe abana bavaye mu ishuri kubera kubura amikoro bakeshaga umusaruro w’ insina, abandi bakavuga ko batakibona isabune mu gihe bategereje ko imyaka irimo ibishyimbo n’ ibigori bateye aho batemye urutoki rwari rurwaye yera.

Niragiye Venancie umupfakazi w’imyaka 52 afite abana batanu, umwe muri bo yavuye mu ishuri kubera ubukene yatejwe n’indwaara ya kirabiranya. Ati “indwara ya kirabiranya yatumye abana bamwe bava mu ishuri, abafite ababyeyi badafite amikoro barahagaze, ariko abafite imiryango ikomeye yifashije yabashije kubatera inkunga abana babo barakomeza”.

Niragiye yababajwe cyane n’ubukene yatewe no kuba yarahingaga urutoki rwonyine.

Ati “ubukene buranuma, nta mikoro, twabuze ifaranga, imirimo yarahagaze ntabwo bigenda neza, ubu isomo twakuye mu guhinga igihingwa kimwe, ni ukuzajya tureba ibindi dukora, tukanorora, ubu iyo tuba twaroroye amatungo yari kutugoboka”.

Mbonyumuvunyi Etienne, umwe mu baturage bagezweho n’ iki kibazo, avuga ko batagikoresha ubukwe kubera babuze inzoga n’ibitoki byabafashaga mu mihango y’ ubukwe, ko kuri ubu abantu batakica akanyota.

Musabyimana Innocent, Umuyobozi wa RAB ushinzwe ubuhinzi, yatangaje ko babaye hafi y’abaturage kuko kugeza ubu imirima yangijwe na kirabiranye ubuso bwa hegitari 1290 bwamaze gutunganywa, kandi hari n’ibikorwa by’ubukangurambaga ku bahinzi hifashishijwe abashinze iyamamazabuhinzi na byo byatanze umusaruro ugaragara mu gukumira iyo ndwara.

Avuga ko imirima yaagaragayemo kirabiranya cyane, baranduye insina bagatera ibihingwa bizamaramo amezi atandatu, bakabona kuhahinga ibindi. Ikindi cyakozwe ni amahugurwa yahawe abahinzi mu kurwanya kirabiranya, harimo kwirinda gukoresha ibikoresho biyikwirakwiza, bakumira aho itaragera. Aho yangije bikomeye babahaye imbuto yo guhinga indi myaka.

Avuga ko ku bufatanye na BTC hamwe na MINAGRI bageze mu mpande zitandukanye z’ Igihugu aho kirabiranya yagaragaye, i Rubavu aho yageze bwa mbere mu 2005 naho yararwanyijwe. Kugeza ubu mu gihugu hose ubuso bungana na hegitari 3200 burimo kurwanywaho kirabiranya mu bahinzi basaga ibihumbi 60 yagezeho .


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .