00:00:00 IGIHE NETWORK KN KINYARWANDA EN ENGLISH FR FRANCAIS

Ibyo abagororwa bakora muri TIG bishimangira ubumwe n’ubwiyunge-Rwarakabije

Yanditswe na

Uwingabiye Denys Basile

Kuya 17 November 2012 saa 08:43
Yasuwe :

Komiseri Mukuru w’Urwego rw’Igihugu rushinzwe imfungwa n’abagororwa ku wa 4 ugushyingo yasuye ingando za TIG ziri mu Karere ka Nyamasheke, aho yatangarije ko ibyo abakora TIG bageraho bishyigikira ubumwe n’ubwiyunge bw’Abanyarwanda.
Ibiganiro byahawe abakora TIG byari bigamije kunoza gahunda y’icyumweru cy’Ubumwe n’Ubwiyunge cyatangiye ku wa 9 kikazarangira ku wa 16 Ugushyingo 2012.
Aganira n’abagororwa bo mu ngando ya Kilimbi, Komiseri Rwarakabije yabasobanuriye ko iyi mirimo yashyiriweho (...)

Komiseri Mukuru w’Urwego rw’Igihugu rushinzwe imfungwa n’abagororwa ku wa 4 ugushyingo yasuye ingando za TIG ziri mu Karere ka Nyamasheke, aho yatangarije ko ibyo abakora TIG bageraho bishyigikira ubumwe n’ubwiyunge bw’Abanyarwanda.

Ibiganiro byahawe abakora TIG byari bigamije kunoza gahunda y’icyumweru cy’Ubumwe n’Ubwiyunge cyatangiye ku wa 9 kikazarangira ku wa 16 Ugushyingo 2012.

Aganira n’abagororwa bo mu ngando ya Kilimbi, Komiseri Rwarakabije yabasobanuriye ko iyi mirimo yashyiriweho kwimika ubumwe n’ubwiyunge, bityo abagororwa bemeye icyaha bakaba bagomba kurangiriza igihano muri iyi mirimo ibafasha kwiyunga n’umuryango nyarwanda.

Komiseri Rwarakabije yabwiye aba bagororwa ko bagomba gukorana umutima mwiza iyi mirimo kuko ishimangira ubumwe n’ubwiyunge. Ngo iyo bubaka amashuri yigwamo n’abana b’abanyarwanda, imihanda ikagendwamo n’abantu bose ndetse bakagira uruhare no mu bindi bikorwaremezo bifitiye abanyarwanda bose akamaro, ni uburyo bwo kwiyunga n’umuryango nyarwanda bahemukiye.

Ngirumutware Claver wavuze mu izina ry’abagororwa, yavuze ko mu ngando yabo barangwa n’ibyishimo, imyitwarire myiza no gukunda umurimo bagamije kubaka Igihugu. Bakaba Yavuze ko intambwe bagezeho ari nziza, bakaba ngo batazongera kugwa mu mutego w’umuntu uwo ari we wese washaka kubashora muri jenoside n’ingengabitekerezo yayo, ahubwo bazaharanira ikintu cyose cyunga Abanyarwanda.

Aba bagororwa bahawe umwanya bagaragaza bimwe mu bibazo bahura na byo birimo kuba hari abarangiza imirimo nsimburagifungo bagahera mu babuze ibyemezo bya gereza na kasho bagiye bafungirwamo, ababura amarangizarubanza y’Inkiko Gacaca, hakaba n’ikibazo cyo kuvuzwa ku bitarokuko ngo bacibwa amafaranga.

Kuri ibi bibazo Komiseri yababwiye ko ku bufatanye n’inzego zose bireba bizajya bibonerwa ibisubizo kuko byose bifite amategeko bikurukiza. Yabijeje ko bitarenze impera y’uyu mwaka wa 2012, ibibazo bijyanye n’impuro byose bizaba byakemutse, ariko abasaba gukoresha ukuri mu bintu byose.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .