Mu gihe icyumweru cya Polisi cyari kimaze ibyumweru bigera kuri bibiri, ku wa Kabiri tariki ya 05 Kamena 2012 ubwo iki gikorwa cyasozwaga hari hamaze kubakirwa imiryango igera kuri itandatu itishoboye, utaretse n’ibindi bikorwa byakozwe na Polisi ifatanyije n’abaturage muri icyi cyumweru.

Iyi miryango yubakiwe, iherereye mu Kagari ka Nyabinoni mu Murenge wa Cyanika ho mu karere Kaburera, ibindi bikorwa byakozwe muri iki cyumweru birimo no gutanga ubwisungane mu kwivuza ku bantu 100 bo muri aka Karere ka Burera, mugihe abandi bahawe inzitaramibu nabyo nki nkunga ya Polisi kumiryango ikennye kurusha indi.

Uwungirije Umuyobozi Mukuru wa Polisi Deputy Inspector General of Police Stanley Nsabimana yatangaje ko kwita kubuzima n’imibereho bya rubanda, arizimwe mu nshingano z’ingirakamaro za Polisi, yongeraho ko gufasha abatishoboye nabyo biri munshingano za Polisi.

Stanley yasabye abaturage bo muri Burera by’umwihariko urubyiruko kwirinda ibiyobyabwenge, ahubwo bakitabira ibikorwa bigamije kubateza imbere.

Bosenibamwe Aimée Umuyobozi w’Intara y’Amajyaruguru yashimiye Polisi iki cyemezo cy’ingirakamaro n’uburyo bahashya ibikorwa by’ubugizi bwa nabi mu gihugu, ahubwo ahamagarira abaturage kwimakaza umuco wo kugira isuku, avuga ko iterambere ridashoboka mugihe hirya no hino hakigaragara umwanda, ashimangira kandi ko bagomba guhagurukira kurwanya ibiyobyabwenge.

umuyobozi w’Akarere ka Burera Sembagare Samuel we yavuze ko Ubuyobozi bw’Akarere bwashoboye guhashya abacuruza ibiyobyabwenge avugako ibyo babigezeho babikesha imikoranare myiza hati y’abaturage ndetse n’Inzego za Polisi.

Aha Polisi yari iri mu gikorwa cyo kubaka

Abaturage batishoboye bahawe inzitiramibu

Foto:Polisi