00:00:00 IGIHE NETWORK KN KINYARWANDA EN ENGLISH FR FRANCAIS

Inzobere z’Abaganga baba mu mahanga mu gutanga umusanzu mu Rwanda

Yanditswe na

Deus Ntakirutimana

Kuya 21 November 2012 saa 02:41
Yasuwe :

Umushinga Mpuzamahanga w’Abimukira (IOM), wafashije abaganga b’Abanyarwanda baza kuvura Abanyarwanda mu gihe gito, batanga umusanzu mu gihugu bavukamo. Dr.Musa Tugirimana, ni umwe mu baganga baturutse mu mahanga, we aba mu Bubiligi, yaje kuvura mu bitaro bya Kibagabaga uburwayi butandukanye.
Dr. Tugirimana, atangaza ko we na bagenzi be bakomoka mu Rwanda, baje gufasha abo bavuka hamwe mu gutabara abarwayi benshi mu Rwanda bafite umubare mucye w’abaganga babitaho.
Nyamara ngo usanga hari (...)

Umushinga Mpuzamahanga w’Abimukira (IOM), wafashije abaganga b’Abanyarwanda baza kuvura Abanyarwanda mu gihe gito, batanga umusanzu mu gihugu bavukamo.

Dr.Musa Tugirimana, ni umwe mu baganga baturutse mu mahanga, we aba mu Bubiligi, yaje kuvura mu bitaro bya Kibagabaga uburwayi butandukanye.

Dr. Tugirimana, atangaza ko we na bagenzi be bakomoka mu Rwanda, baje gufasha abo bavuka hamwe mu gutabara abarwayi benshi mu Rwanda bafite umubare mucye w’abaganga babitaho.

Nyamara ngo usanga hari n’abandi barwayi benshi babura uko bavurwa bitewe n’ikibazo cy’abaganga bacye n’ababafasha bake.

Urugero nuko mu kubaga yafashwaga n’abaforomo babiri, mu gihe bibaye byiza yafashwa n’abagera kuri batandatu, kuko byoroshya akazi bigatuma abarwayi bitabwaho ari benshi, ubuzima bwabo ntibugire ikibazo buhura nacyo.

Ikindi kibazo kigaragara ni ikibazo cy’ibikoresho bicye usanga mu bitaro bimwe na bimwe , urugero nk’ibya Kibagabaga amaze iminsi akoreramo, ngo byabaye ngombwa ko hari ibikoresho yizaniye.

Uruhare rw’iyi nzobere rwemezwa n’ibitaro bya Kibagabaga, Mukarurangwa Doris ukuriye ishami ry’imbagwa ahamya ko kuba uyu munyarwanda uba mu Bubiligi baga abarwayi bagera kuri 20 mu minsi 15 bigabanya urutonde runini rw’abagomba kubagwa baba bafite.

Bwiza Liliane, umwe mu babazwe wari umaranye indwara y’umwingo imyaka ine yanywaga imiti nyuma y’iminsi ine abazwe arahamya ko ubuzima bwe bumeze neza ku buryo ashobora no gutaha.

Matabaro Joan, Ushinzwe iterambere ry’ibikorwa remezo no kwiyubaka muri Minisiteri y’Ububanyi n’Amahanga, mu gikorwa cyo gusuzuma umusaruro uturuka ku bikorwa by’Umushinga Mpuzamahanga w’Abimukira (IOM), bazana abaganga ngo bavure abanyarwanda mu gihe gito, yatangaje ko igikorwa cyo kwibuka aho bauvuka bakaza kubafasha, babasangiza ubumenyi bafite babikangurira Abanyarwanda bose kuko ari indashyikirwa kandi byerekana ubumuntu n’urukundo umwenegihugu afitiye igihugu cyamubyaye.

Umuryango IOM ukunze gufasha abaganga b’inzobere kuza kuvura Abanyarwanda, wishyura ibizakenerwa kuri bo mu kazi, harimo n’amafaranga y’urugendo abavana mu bihugu baturukamo.

Umuryango IOM ubikora kuko mu Rwanda hari abarwayi bicwa n’indwara zidakomeye bitewe no kubura abaganga babitaho.

Mu Rwanda umuganga umwe avura abarwayi ibihumbi 15, mu gihe mu bihugu byateye imbere avura abarwayi 600.

Inzobere z’abaganga baba mu mahanga baje gutanga umusanzu wabo mu Rwanda ni batanu, harimo uwakoreye ku bitaro bya Kibagaga, ibya Kabgayi, ibya Ruhengeri, ibyitiriwe Umwami Faisal, n’ibya Kaminuza Nkuru y’u Rwanda (CHUB na CHUK).


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .