00:00:00 IGIHE NETWORK KN KINYARWANDA EN ENGLISH FR FRANCAIS

Karangazi: Imvubu ikomeje kuyogoza imirima y’abahatuye

Yanditswe na

James Habimana

Kuya 17 November 2012 saa 08:25
Yasuwe :

Abaturage batuye Akagali ka Nyamirama mu murenge wa Karangazi, baratangaza ko mu gihe abandi bahinzi bitegura gusarura imyaka bejeje, bo ntabyo biteguye Imvubu yayangije bikomeye.
Mu kiganiro aba baturage bagiranye na IGIHE, batangaje ko imvubu iherereye mu idamu ya Rwabiharamba, ikomeje kubangiriza imyaka irimo ibigori, imyumbati n’ibishyimbo,ngo nta joro rishobora gucaho itiraye mu mirima.
Aba baturage kandi bakomeza bavuga ko uretse kuba iyi nyamanswa y’Imvubu itazatuma basarura uko (...)

Abaturage batuye Akagali ka Nyamirama mu murenge wa Karangazi, baratangaza ko mu gihe abandi bahinzi bitegura gusarura imyaka bejeje, bo ntabyo biteguye Imvubu yayangije bikomeye.

Mu kiganiro aba baturage bagiranye na IGIHE, batangaje ko imvubu iherereye mu idamu ya Rwabiharamba, ikomeje kubangiriza imyaka irimo ibigori, imyumbati n’ibishyimbo,ngo nta joro rishobora gucaho itiraye mu mirima.

Aba baturage kandi bakomeza bavuga ko uretse kuba iyi nyamanswa y’Imvubu itazatuma basarura uko babiteganyije, ngo binadindiza indi mirimo bakora amasaha y’umugoroba kuko ngo baba bikanga ishobora kubagirira nabi. Basaba ubuyobozi ko yahavanwa ubuzima bwabo ntibukomeze kubangamirwa.

Kuri iki kibazo, Umunyamabanga Nshingwabikorwa w’Umurenge wa Karangazi, Murenzi Emmanuel yatangarije IGIHE ko ubuyobozi bukizi, ariko ngo ntibyoroshye kwirukana iyo mvubu kuko iri hagati mu baturage.
Ati “kuvana iyi mvubu muri iyi damu usanga bigiranye kuko ikunda kujya mu mazi ikihishamo, ariko twavuganye n’inzego zitandukanye zishinzwe umutekano ku buryo ubu tugiye gushaka ubyo twayirasa kugira ngo ivanwe hagati mu baturage, imirimo yabo ikomeze.”

Nyamara abaturage bo bavuga bamaze igihe bakibwira ubuyobozi ariko ngo ugasanga bukomeza kubarangarana, imyaka yabo igakomeza kwangizwa n’iyo nyamaswa.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .