Mu bizamini bisoza Icyiciro Rusange cy’amashuri yisumbuye (Tronc Commun) mu mwaka w’amashuri wa 2012, abanyeshuri 15 ba mbere mu gihugu batsinze imibare ni abo mu ishuri rya New Life Academy riherereye mu Karere ka Kayonza mu Ntara y’Iburasirazuba.

Abo banyeshuri ni:

1. Dushimirimana Salomon

2. Shema Patrick

3. Muhizi Gideon

4. Nshimiyimana Wilson

5. Kayitesi Esther

6. Gatari David

7. Mukashyaka Seline

8. Ingabire Shallon

9. Akeza Solange

10. Rafiki Famous Joseph

11. Byiringiro Enock

12. Ntwari Marcel

13. Gatama Erick

14. Gloria Charite

15. Ishimwe Joy

Guverineri w'Intara y'Iburasirazuba n'umuyobozi wa new Life Academy bashimira abanyeshuri

Africa John, Umuyobozi wa New Life Academy, ku murongo wa telefoni yabwiye IGIHE ko gutsindisha abanyeshuri benshi abikesha abarimu beza bashoboye umurimo; n’abanyeshuri birerera babahereye mu mwaka wa mbere kugera barangije amashuri ’isumbuye.

Ati “Kuza ku myanya ya mbere si ibintu bishyashya kuri twe kuko guhera mu myaka itanu ishize twahoraga ku myanya ya mbere.”

Avuga ko kugira ngo abanyeshuri batsinde cyane bakunze guhabwa ibizamini by’isuzumabumenyi bigera kuri 30 bigakorwa mbere y’uko bakora ikizamini cya Leta.

Africa avuga ko abarimu babo bagenerwa agahimbazamusyi ku mushahara iyo batsindishije abanyeshuri. Avuga ko ibi bituma abarimu bagira umuhate wo kwigisha babishyizeho umwete, bakanafata abanyeshuri nk’abana babo mu gukurikirana imyigire yabo.

Abanyeshuri batandatu ba mbere mu bumenyi (sciences) bagaragara ku rutonde na bo ni abo mu kigo cya New Life Academy.