Ubwo hizihizwaha umunsi w’umugore ku nshuro ya 38, mu karere ka Nyarugenge iki gikorwa kikaba cyabereye mu midugudu yose, by’umwihariko ku rwego rw’akarere kibera mu mudugudu wa Rugarama uri mu murenge wa Nyamirambo.
Umuyobozi w’Akarere Mukasonga Solange yasabye abaturage gushyira muri gahunda zabo ihame ry’uburinganire n’ubwuzuzanye kuko bihesha ishema umuryango. Yabasabye gufata neza amatungo bahawe no gukoresha neza moto bikazabafasha kwiteza imbere.
Depite Mukanoheri Saidat na Depite Uwayisenga Yvonne baje kwifatanya n’abaturage bo mu karere ka Nyarugenge kwizihiza umunsi w ‘umugore, bagaragaje ko iterambere igihugu kimaze kugeraho abagore barifitemo uruhare, by’umwihariko babasaba gukomeza guharanira kubana neza mu miryango yabo. Babasabye kwitabira umugoroba w’ababyeyi, kuganira n’abana babo ndetse no kwirinda icyorezo cya SIDA.
Mu rwego rwo gufasha abaturage kwiteza imbere mu mirenge igize Akarere ka Nyarugenge, abaturage bahawe moto 10, inka 15 n’amatungo magufi 45, bikaba byatanzwe ku bufatanye bw’akarere n’umuryango AEE. Izo moto zatanzwe zikaba zizakoreshwa ku bufatanye n’ishyirahamwe ry’ abatwara moto ryitwa SYTRAMORWA.
TANGA IGITEKEREZO