Mu gitondo cyo kuri uyu wa Kane nibwo abanyeshuri, abarimu ndetse n’inshuti zabo biga mu Ishuri Rikuru ry’Ubuhinzi, Ikoranabuhanga n’Uburezi rya Kibungo INATEK, bazindukiye mu birori by’itangwa ry’impamyabumenyi ku nshuro ya gatatu ku banyeshuri 922 barangije amasomo yabo mu mwaka ushize wa 2011.

Bamwe mu baganiriye na IGIHE bitabiriye ibi birori, bavuze ko ari ibyishimo kuri iri shuri rimaze imyaka 9 ritanga ubimenyi mu mashami atandukanye. Abanyeshuri bahawe impamyabumenyi ni abo mu mashami abiri arimo Ishami ry’Uburezi ndetse n’Ishami ry’iterambere ry’icyaro.

Mu Ishami ry’uburezi, agashami k’Igifaransa n’Icyongereza abanyeshuri batanu nibo babashije kugira amanota yo hejuru (Distinction) bayobowe na Ntibanyurwa Sosthène.

Mu gashami k’amateka n’ubumenyi bw’Isi umunyeshuri umwe rukumbi niwe wagize amanota yo hejuru (Distinction), uwo ni uwitwa Uzabiriza Immaculée.

Mu gashami k’imyigire y’imitekerereze( Clinical psychology) abanyeshuri bagera kuri 39 nibo babashije kubona amanota yo hejuru ( Distinction) bayobowe na Bazamanza Pascal.

Mu ishami ry’icungamutungo n’ibaruramari abanyeshuri 21 nibo babashije kubona amanota yo hejuru, bayobowe na Umuhoza Marie Rose, naho mu gashami k’icungamutungo abanyeshuri 10 nibo babonye amanota yo mu rwego rwo hejuru, bayobowe na Nkeramugaba Philibert.

Mu ishami ry’Uburezi (Psypedagogy) abanyeshuri 14 nibo babonye amanota yo hejuru (Distinction) babimburiwe na Gafaranga Jean Damascène, naho mu gashami ka Agri bussiness umwe rukumbi niwe wabonye amanota yo mu rwego rwo hejuru ariwe Ndahimana Jérôme, mugihe muri Agrigruture Engeneering, naho umwe ariwe wabonye amanota yo mu rwego rwohejuru ariwe Rutamujyanye Vincent.

Muri uyu muhango kandi hanibutwe abanyeshuri batandatu bamfuye muri uyu mwaka w’amashuri ushize, harimo uwitwa Jeannine nawe wagombaga kuba yahawe impamyabumenyi.

Foto:Muhirwa O.

Inkuru irambuye turayibagezaho mukanya.