00:00:00 IGIHE NETWORK KN KINYARWANDA EN ENGLISH FR FRANCAIS

“Ubumwe bw’Abanyarwanda burasanzwe igisigaye ni uguhuza’’, Perezida Kagame

Yanditswe na

Olivier Rubibi

Kuya 17 November 2012 saa 07:23
Yasuwe :

Ubwo Perezida Paul Kagame yasozaga inama y’umuryango wa Unity Club uhuza abayobozi bo mu Rwanda n’abahoze ari abayobozi bari kumwe n’abafasha babo hasozwa icyumweru cyarahariwe ubumwe n’ubwiyunge, yagaragaje ko Abanyarwanda bagumya gushimangira ubumwe bubaranga.
Ati “ubumwe bw’Abanyarwanda ni zo mbaraga z’u Rwanda. Abanyarwanda basanganywe ubumwe igisigaye ni uguhuza.”
Perezida Kagame yakomeje agaragaza ko nta kintu na kimwe cyagerwaho hatabayeho guhuriza hamwe. Ati “ubumwe bufasha Abanyarwanda (...)

Ubwo Perezida Paul Kagame yasozaga inama y’umuryango wa Unity Club uhuza abayobozi bo mu Rwanda n’abahoze ari abayobozi bari kumwe n’abafasha babo hasozwa icyumweru cyarahariwe ubumwe n’ubwiyunge, yagaragaje ko Abanyarwanda bagumya gushimangira ubumwe bubaranga.

Ati “ubumwe bw’Abanyarwanda ni zo mbaraga z’u Rwanda. Abanyarwanda basanganywe ubumwe igisigaye ni uguhuza.”

Perezida Kagame yakomeje agaragaza ko nta kintu na kimwe cyagerwaho hatabayeho guhuriza hamwe. Ati “ubumwe bufasha Abanyarwanda kugera ku byo bahuriraho, ubumwe bufasha abantu kugira ngo imyumvire itandukanye yuzuzanye aho kugira ngo igongane, kuko iyo igonganye ya ntego Abanyarwanda bahuriraho ntibayigeraho uko bikwiye; iyo buzuzanya baba bamaze guhurira ku ntego y’Igihugu cyose kiba kigenderaho…Icyo ni cyo cy’ingenzi cy’Ubumwe.”

Perezida Kagame yakomeje avuga ko umuntu agendeye ku mateka y’u Rwanda n’ibyifuzo by’aho Abanyarwanda bashaka kugana, inzira irimo imitego n’ibibazo byinshi, ariko bikemurwa no gushyira hamwe.

Perezida kagame avuga ko ibitekerezo by’Abanyarwanda bikenewe kugira ngo bishyirwe hamwe hubakwe ubumwe buhamye.

Avuga ko ubumwe ari umutamenwa, ati “ iyo abantu bashaka kubaka igihugu cyabo bagira Ubumwe. Buri gihugu kigira ibyacyo byose bituruka ku kugira Ubumwe”. Yongeyeho ko iyo abantu bafite icyo bashingiraho mu gihugu cyabo babaho neza.

Ati “Abanyagihugu bose iyo bafite ikintu bashingiyeho hakagira ikintu kiza kikirwanya barahaguruka bakakirwanya, ndizera ko Abanyarwanda badatandukanye n’abandi.”

Perezida Kagame aha igihembo ishyirahamwe Inyenyeri

Muri iyi nama Perezida Kagame yahaye igihembo cy’ishimwe ishyirahamwe ‘Inyenyeri’ ryo mu murenge wa Bugeshi mu karere ka Rubavu kubera uruhare ryagize mu kubaka ubumwe bw’Abanyarwanda.

Umuryango Unity Club ukora iyi nama buri mwaka mu rwego rwo kwimakaza amahoro mu Banyarwanda.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .