Marié Griffiths Lizzie w’umwongerezakazi yasubitse ubukwe bwe kugirango avuze umuserebanya we yise George indwara ya kanseri akoresheje amafaranga yari gukoresha mu bukwe.

Lizzie ubwo yajyaga mu kigo gishinzwe kurinda inyamanswa hari mu mwaka ushize, yabonye umuserebanya witwa George ahita awukunda nubwo wari urwaye kanseri.

Kubera uburyo yawukunze, yarawujyanye maze yiyemeza kuwuvuza yifashishije amafaranga yari gukoresha mu bukwe.

Lizzie yatangarije The Sun dukesha iyi nkuru ko yizinduraga buri gitondo saa 05:30 kugira ngo awusuhuze kuko batabashaga kubona umwanya uhagije wo kubonana, ndetse ngo nawo wazaga mu buriri bwe kugira awuhe shokola.

Chris Fisher w’imyaka 26, fiyanse wa Lizzie yamusabye ko bazarushinga mu kwezi kwa cumi umwaka ushize, mu kwa munani nibwo umuveterineri yaje kumenya ko George arwaye Kanseri, maze bemeza ko bagomba kubanza kuvuza George n’amafaranga angana na 2,805,000 y’amanyarwanda bari barateganyije y’ubukwe. George wahise uba umuserebanya wa mbere uciye mu cyuma mu Bwongereza.

Chris avuga ko yemeye ibyo byose kuko abona ko Lizzie na George bafitanye umubano udasanzwe, none kuri ubu wo muserebanya urimo kwiyondora.