Umushoramari wo muri Arabia Saudite agiye kubaka umuturirwa usumba iyindi muri Afurika, muri Maroc mu mujyi wa Casablanca, uzaba ufite amagorofa 114 n’ubutumburuke bwa metero 540.

Inkuru ya AFP ivuga ko uburebure n’amagorofa azaba agize uyu muturirwa "Al-Noor Tower" bufite ibisobanuro byihariye.

Igishushanyo cya Al-Noor Tower

Metero 540 ngo zishushanya ibihugu 54 bya Afurika, buri gihugu kigahagararirwa na metero 10. Naho umubare w’amagorofa 114 ushushanya umubare w’amasura ya Korowani.

Uzaba wubatse kuri hegitari 25.

Biteganyijwe ko uyu muturirwa uzatangira kubakwa muri Kamena umwaka utaha.

Uyu muturirwa muremure muri Afurika niwuzura uzaba uciye kuwa Carlton Centre wubatse i Johannesburg muri Afurika y’Epfo usanzwe ari wo usumba iyindi muri Afurika.

Usanzwe ari umuturirwa muremure muri Afurika

Amede Santalo ukuriye umushinga wo kubaka uyu muturirwa yatangarije Ibiro Ntaramakuru by’Abafaransa(AFP) ko uzubakwa na sosiyete y’i Dubai, Middle East Development LLC y’umushoramari Sheikh Tarek Binladen, utware miliyari y’amadolari y’Amerika.

Ku rwego rw’isi, umuturirwa muremure ni Burj Khalifa wubatse i Dubai, ukaba ufite ubutumburuke bwa metero 828.

Umuturirwa muremure ku Isi