Hilda Baci w’imyaka 27 yahise akuraho agahigo kari gafitwe n’umutetsi wo mu Buhinde Chef Lata Tondon wamaze amasaha 87 n’iminota 45 atetse.

Uyu mutetsi yatangiye guteka ku wa kane w’icyumweru gishize saa Cyenda z’umugoroba za tariki 11 Gicurasi 2023 kugeza saa cyenda mu zo ku wa 15 Gicurasi.

Hilda Baci yari yihaye intego yo kumara amasaha 96 atetse, gusa yahisemo kuyongera nyuma yo kubona uburyo ashyigikiwe n’abantu benshi bari hanze y’igikoni cye.

Bamwe mu bashimiye uyu mukobwa barimo Perezida wa Nigeria, Muhammadu Buhari, wavuze ko ibyo Hilda Baci yagezeho bifite igisobanuro gikomeye ku gihugu n’urubyiruko muri rusange.

Ati “ Umuhate no kwihangana kwa Hilda byazanye inyungu n’umwihariko ku biribwa byo muri Nigeria. Ubu ni ikirangirire mu muco, kandi ndizera ko iki gikorwa kizatera ishema urubyiruko rwo muri Nigeria ndetse no hanze yarwo.”

Kugeza ubu Guinness World Records yavuze ko igiye gusuzuma neza ibyakozwe n’uyu mutetsi kugira ngo yemeze ko yaciye agahigo.

Hilda Baci yatetse bimwe mu biryo bikunzwe na benshi muri Nigeria ndetse bimwe mu byo yatetse byahawe abashyitsi bari bitabiriye iki gikorwa.

Umuyobozi w’Umujyi wa Lagos, Babajide Sanwo-Olu, yasuye ahaberaga iki gikorwa ku wa 14 Gicurasi 2023 , ndetse uyu mutetsi yanakiriye ubutumwa buvuye kuri Visi Perezida wa Nigeria, Yemi Osinbajo.

Hilda Baci yari yemerewe umuntu umwe umufasha umwe igihe bibaye ngobwa, agafata ikiruhuko cy’iminota itanu buri saha, ndetse yari afite umuganga umwitaho ndetse n’umukorera massage muri icyo gihe cy’akaruhuko.

Nigerians always coming together to support their own 😍🔥🇳🇬#Hildabacicookathon #guinessworldrecord pic.twitter.com/h3frOjSPK2

— Pulse Nigeria (@PulseNigeria247) May 15, 2023

I share the immense joy of all Nigerians as Hilda Bassey Effiong (Hilda Baci) makes history by breaking the world record for longest cooking marathon. A great day for Nigeria. We're all very proud of what she has personally accomplished—and placing Nigeria in the global spotlight pic.twitter.com/X69PadrjxV

— Muhammadu Buhari (@MBuhari) May 15, 2023

Go Hilda. We are rooting for you to break that record . And I trust say the food go sweet die. pic.twitter.com/jZjjOEZ3RP

— Burna Boy (@burnaboy) May 14, 2023

Ubwo Hilda Baci yari amaze amasaha 96 atetse abantu bari hanze y'igikoni cye bamusabye kongeraho andi masaha ane nabo bakomeza kumuririmbira

Hilda Baci yari yihaye intego yo kumara amasaha 96 atetse aza kuyarenza

Hilda Baci yakuyeho agahigo kari gafitwe n'umuhinde Lata Tondon wamaze amasaha 87 n’iminota 45 atetse