Inzira y’umusaraba abicwa n’inzara n’inyota babanza kunyuramo

Yanditswe na Iradukunda Serge
Kuya 5 Ukuboza 2019 saa 09:43
Yasuwe :
0 0

Imibare y’umuryango w’abibumbye, Ishami Rishinzwe Ibiribwa ku Isi (FAO) yerekana ko inzara ihitana abarenga miliyoni 9 ku Isi, umubare munini kuruta abo Sida, igituntu na Malaria byose hamwe byica .

Buri masegonda 10 umwana umwe yicwa n’inzara cyangwa indwara zifite aho zihurira nayo.

Uretse kuba inzara n’inyota ari cyo kintu cyica abantu benshi ku Isi, abaganga n’abahanga mu by’imirire bavuga ko iri no mu byica nabi, ibi bikagaragaza inzira ikomeye izi miliyoni 9 z’abantu zicamo mbere yo gupfa.

Umujyanama mu by’imirire mu muryango mpuzamahanga Action Against Hunger urwanya inzara, Maureen Gallagher yavuze ko mu minsi ya mbere inzara iba imeze nk’uko waburara ku bushake, mbese bisanzwe hashira iminsi utabonye ibyo kurya ugatangira gukoresha imbaraga wabitse.

Ati “Umubiri utangira gukoresha imbaraga wabitse uhereye kuri , ibinure, ugaheruka igice kirimo intungamubiri”.

Umwarimu muri kaminza ya Duke mu ishami ry’ubuganga, Dr. Nancy Zucker, avuga ko iyo umubiri ugeze aho ukoresha intungamubiri (protein) wabitse urupfu ruba ruri hafi.

Ati “Iyo ububiko bwa poroteyine butangiye gukoreshwa, urupfu ntiruba ruri kure”.

Dr Zucker avuga ko iminsi mike mbere y’uko umuntu yicwa n’inzara agira ikibazo cyo kubona ibidahari (gucanganyukirwa) nyuma umutima ugahagarara.

Abahanga bavuga ko umuntu ashobora kumara ibyumweru biri hagati ya 8 na 12 n’ubwo iki gihe gishobora kugenda gitandukana kuri buri muntu bitewe n’izindi mpamvu zitandukanye zirimo imyaka, igitsina n’ubuzima rusange bwa buri muntu.

N’ubwo byose biganisha ku rupfu, abahanga mu buvuzi bavuga ko kwicwa n’inyota birenze kure kwicwa n’inzara, kubera ko amazi ari ingenzi cyane mu mubiri w’umuntu dore ko yihariye hagati 50% na 65% by’ibigize umubiri w’umuntu.

Amazi ari mu mubiri w’umuntu yifashishwa mu igogora, mu gukwirakwiza umwuka mwiza n’intungamubiri ndetse no gusukura umubiri.

Umuntu atangira kumva inyota ikabije iyo amaze gutakaza 2% by’amazi ari mu mubiri we, nyuma uko amazi agenda agabanuka mu mubiri impyiko zigera aho nazo zigatangira gukora nabi.

Muri iki gihe umuntu ntaba akibasha kwihagarika ngo abone inkari iyo abigerageje yumva mu nzira zicamo hokera ariko zo ntizize ndetse ubwonko n’uruhu bigatangira kugabanuka mu ngano, amaraso agatangira kwegerana , umuntu agapfa azize guhagarara k’umwijima, impyiko n’umutima.

Abahanga bavuga ko umuntu ashobora kumara ibyumweru biri hagati ya 8 na 12 kugira ngo inzara imuhitane

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza