Ubu burwayi uyu musore yahuye nabwo bufitwe n’umuntu umwe mu bantu miliyoni batuye isi, ndetse bivugwa ko Rupesh ariwe ufite iyi ndwara ukuze kurusha abandi bose bari ku isi nyuma y’urupfu rwa Leon Botha wo muri Afurika y’Epfo.
Rupesh akomoka mu gace ka Hanumanganj mu Majyaruguru y’u Buhinde muri Leta ya Uttar Pradesh. Yatangiye kugaragaza ibimenyetso by’iyi ndwara ubwo yari akiri muto.
Ubu burwayi bwamamaye cyane kubera igitabo cya F Scott Fitzgerald na film yakozwe na Brad Pitt yitwa The Curious Case of Benjamin Button aho umukinnyi w’imena aba yaravutse ari mukuru akazasaza ari muto.
Se wa Rupesh witwa Ramapati Kumar w’imyaka 45, akora umwuga w’ubuhinzi. Yatangaje ko bijya gutangira, umwana we yababaraga umutwe ndetse akagira ububabare mu nda.
Ngo bagerageje kumujyana kwa muganga ahura n’abaganga benshi gusa nta n’umwe wigeze abasha kumuvura iyi ndwara ahubwo bose bamusabaga kumusubiza mu rugo.
Ubusanzwe Progeria ni indwara ivukanwa ariko idakunze kubaho kuko ku Isi yose abayirwaye ari bake; uyifite agira impinduka ku miterere y’umubiri we ndetse akagaragaza ibimenyetso byo gusaza mu buryo bwihuse nubwo yaba akiri umwana muto.
Iyi ndwara yitwa ‘syndrome de Hutchinson-Gilford’ ikaba yaritiriwe Jonathan Hutchinson na Hastings Gilford bayikozeho ubushakashatsi mu 1886 no mu 1897 ariko kugeza n’ubu nta muti wayo uramenyekana.
Progeria ni ijambo rikomoka mu rurimi rw’Ikigeriki « geron » bivuga ubusaza, abahanga bakaba bavuga ko ivukanwa igaterwa n’imikorere mibi y’uturemangingo ituma umubiri ukora protein zifite ibibazo zitwa ‘progerin’ zigatera gushwanyagurika kw’ingirangingo mu buryo bworoshye, iyo zikoresheje izi protein, ndetse bigatera impinduka mu mubiri zigenda zigaragara n’inyuma.
Inkuru bifitanye isano: ‘Progeria’, indwara idasanzwe ishobora gutuma umwana asaza akiri incuke
TANGA IGITEKEREZO