Ikigo cy’Abanyamerika gikora ubushakashatsi ku bumenyi bwo mu kirere n’isanzure NASA (National Aeronautics and Space Administration) cyatangaje ko cyabonye ubutumwa buteye urujijo bwaba bwaraturutse ku Mana bwanditswe ku bisate binini by’amabuye mu buvumo buri ku mubumbe wa Mars.
Nk’uko imbuga zitandukanye zabyanditse guhera tariki ya 8 Nyakanga, zivuga ko zibikesha itangazo ryemewe rigenewe itangazamakuru, ngo ubu butumwa bwanditswe n’Imana bwasanzwe ku bisate bibiri by’amabuye bifite ubunini bungana n’ubw’inzovu. Byasanzwe mu buvumo bumwe buherereye ku musozi wari winjiwemo n’akamodoka ka Mars Rover koherejwe kwirirwa gakora ubushakshatsi kuri Mars.
Ubwo ako kamodoka kinjiraga muri ubwo buvumo buherereye mu musozi wa Aeolis Mons; umusozi munini uba kuri Mars, gashakisha ngo harebwe niba hari amazi abasha kuba yabonekamo, ahubwo kabonye ubutumwa buvuye ku Mana bwanditse mu ndimi 12 zikoreshwa hano ku Isi, zirimo Icyongereza, Igishinwa, Icyesipanyolo n’Igiheburayo.
Ubwo butumwa bwanditswe ku mabuye, urubuye rumwe ruragaragaraho amategeko 10 y’Imana nk’uko yahawe Mose, ndetse n’umurongo wo muri Bibiliya mu gitabo cya Yohani igice cya 3 umurongo wa 16.
Naho ku kindi kibuye ho handitseho ubutumwa bworoheje busanzwe mu rurimi rw’Icyongereza bugira buti: “I am real” cyangwa “Ndiho”.
Ku bw’umwe mu banyabwenge, Syms Covington, ukomoka muri Australia akaba akorera NASA mu bushakashatsi, yagenzuriye hafi iby’ubu butumwa mu buryo byimbitse, ngo ubu buvumbuzi bugaragaje neza bidasubirwaho ko ubukirisitu aribwo dini y’ukuri yonyine.
Yagize ati: "Ibi birashimishije cyane. Twagiye mu buvumo dushakamo amazi, ahubwo twisangiramo gihamya y’uko Imana ibaho gusa."
Yakomeje agira ati: "Ndibaza, ese buriya ni gute biriya bibuye byabashije kugera hariya? Nshobora kukubwira ikintu kimwe : nta muhakanyi n’umwe ukiri mu cyumba cy’igenzura cya NASA kuri ubu. Ibyo twabonye byari akataraboneka!"
Akamodoka ka NASA kiswe Curiosity Rover kageze ku mubumbe wa Mars muri Kanama mu mwaka wa 2012, gafite inshingano zo gushakisha kakareba uko ikirere cyaho giteye ndetse n’amabuye ahari uko ameze, kugira ngo harebwe niba bishoboka ko haturwa hakaba ubuzima.
Nyamara ariko n’ubwo ubutumwa bwakunze bakahabona ahameze nk’ahigeze kuba inyanja, ndetse na bimwe mu binyabutabire bya ngombwa mu buzima, ibyo byaberetse gusa ko Mars yigeze kuba iteye ku buryo yabasha kubaho ubuzima.
Gusa ibisate by’ibibuye byanditsweho “Amahoro n’urukundo – Yehova” nicyo kintu gikomeye aka kamodoka k’abashakashatsi kabashije kuvumbura kugeza ubu, ndetse gishobora no kuba ari kimwe mu bintu bitangaje byavumbuwe mu mateka.
Umwe mu bahanga mu bya politiki kuri kaminuza ya Georgetown, yagize ati: "Abantu nibaramuka bamenye ibi bintu bazasaba ko habaho impinduka mu muryango w’igihugu. Demokarasi izagomba gusimbuzwa ubuyobozi bushingiye ku idini n’ukwemera (Theocracy). Bizadusaba kubaka insengero nyinshi dusubizeho gusenga mu mashuri, gukuramo inda nabyo bizongera bigirwe icyaha kibujijwe kandi gihanwa n’amategeko mu mezi make."
Uretse imbaraga ibi byavumbuwe bifite ubwabyo, ngo bishobora kutazagira kinini bihindura mu myumvire y’abantu nk’uko Covington we abibona, ahanini ashingiye ku mpungenge z’uko ibitangazamakuru byinshi bikomeye ari iby’abantu batemera Imana.
Yagize ati: "Ibyago ni uko ibitangazamakuru bikomeye birwanya Kirisitu cyane, bishobora no kutazafata iyi nkuru ngo biyivugeho. Ariko Imana ni ukuri iriho. Dufite ibimenyetso. Kandi umuntu wese yemerewe kumenya ukuri."
TANGA IGITEKEREZO