Mugabe w’imyaka 91 yanenze bikomeye Perezida wa Leta Zunze Ubumwe z’Amerika nyuma y’uko iki cyemezo gifashwe ndetse avuga ko agiye gutegura urugendo akajya muri Amerika agasaba Obama yiyoroheje agira ati “wanyemerera tugashyingiranwa?”.

Mugabe yakomeje agira ati “Sinumva uburyo bariya bantu bahangara Imana bagakora ibyo yababurije i Sodoma”.

Mugabe kandi ntiyahwemye kugaragaza ko igihe cyose azaba akiriho ubutinganyi buzahora ari ikizira muri Zimbabwe nkuko yabitangaje radiyo y’igihugu cye.

Ubwo yiyamamazaga mu mwaka wa 2013, Perezida Mugabe yasubiyemo ko ubutinganyo ari bubi.

Perezida Obama nawe ahora ahamagarira ibihugu by’Afurika guha uburenganzira ababana bahuje ibitsina ndetse yanabivugiye ku mugabane w’Afurika mu rugendo yagiriye mu bihugu birimo na Senegal.

Ubutinganyi buracyafatwa nk’icyaha mu bihugu bisaga 38 ku mugabane w’Afurika byiganjemo abakirisitu ariko Mugabe atangazwa n’uburyo Obama uhakomoka ashobora gukuraho inkunga ku gihugu kitahaye ijambo abatinganyi.

Kwemerera ababana bahuje ibitsina gushyingiranwa byateje ibyishimo mu Banyamerika

Kwemerera ababana bahuje ibitsina gushyingiranwa byateje ibyishimo mu Banyamerika