Youn yavuze ko Kim afite umubyibuho ukabije cyane, ariko ko kugeza ubu nta kimenyetso kigaragaza ko afite ikibazo gikomeye cy’ubuzima.

Ati “Nta kimenyetso kigaragaza ikibazo cy’ubuzima, urebye uburyo akurikiranwa hafi n’itsinda rye ry’abaganga.”

Yongeyeho ko Kim afite ibyago byinshi byo kurwara indwara z’umutima n’imiyoboro y’amaraso, ariko ko akigaragara afite imbaraga, harimo no kuzamuka ingazi nta kibazo.

Ubuzima bwa Kim Jong Un bumaze igihe bukurikiranwa n’amahanga, cyane cyane kubera ko ayoboye igihugu gifite intwaro za kirimbuzi kandi kiri mu karere karanzwe n’amakimbirane y’umutekano.

Mu 2020, impungenge ku buzima bwe zariyongereye nyuma y’uko yamaze hafi iminsi 20 atagaragara mu ruhame. Se, Kim Jong Il, na sekuru, Kim Il Sung, na bo bari bafite umubyibuho ukabije kandi banywaga itabi, ndetse bombi bapfuye bazize indwara z’umutima.

Iyi foto yafashwe muri Gashyantare uyu mwaka, ni imwe mu zo abantu bashingiraho bavuga ku mubyibuho wa Perezida Kim Jong Un