Nk’uko bigaragara mu ifoto, abakinnyi benshi ba Bayern Munich bagaragara bishimiye kwifotoza bafashe ibirahure by’inzoga ariko Sadio Mane na Noussair Mazraoui bo bahitamo kujya mu ifoto nta wufashe ikirahure cy’inzoga.

Uyu mukinnyi w’imyaka 30 yasaga nk’aho ntacyo bimutwaye kujya mu ifoto y’ibyo birori, Mane yari yicaye ku murongo wa mbere hamwe n’abandi bakinnyi.

Iyi foto ikimara gusohoka ku mbuga nkoranyambaga yakiriwe neza n’abafana kubera ko atigeze ahatirwa gufata inzoga bakemera ko we na mugenzi we baguma ku myemerere y’idini yabo ya Islam.

Ku mbuga nkoranyambaga hatanzwe ibitekerezo byinshi kuri ayo mafoto, umwe mu bamushyigikiye yanditse agira ati “Uko byagenda kose, Sadio Mane ntajya yibagirwa idini rye.”

Undi na we yagize ati “Abayisilamu ntibitiranya imyizerere yabo! Ugomba kubyubaha.”

Si ubwa mbere Sadio Mane agaragaje ko atakwemera gushishikariza abantu kunywa inzoga dore ko nyuma ya Carabao Cup 2022 mu mukino Liverpool yatsinzemo Chelsea mu kwishimira itsinzi yasabye Takumi Minamino gushyira hasi icupa rya champagne ubwo bari bagiye kwifotozanya na we yubaha icyifuzo cye.

Sadio Mane yashimagijwe ku mbuga nkoranyamabaga nyuma yo kwanga kwifotoza fashe inzoga
Sadio Mane yashimagijwe ku mbuga nkoranyamabaga nyuma yo kwanga kwifotoza fashe inzoga