Yumi Yoshido wakoreye ayo mahano mu Murwa Mukuru, Tokyo, yemera ko yasanze nyina yapfuye mu myaka icumi ishize maze umurambo we akawuhisha.

Ibitangazamakuru byo muri icyo gihugu byatangaje ko yasobanuye ko yabitewe n’uko atashakaga kujya kumushyingura iwabo hanze y’Umujyi wa Tokyo.

Iby’iryo sanganya byamenyekanishijwe n’umukozi wari uri gukora isuku mu nzu Yoshido yabagamo, nyuma y’uko yari amaze kuyisohorwamo yabuze ay’ubukode.

Uwo murambo ngo usibye kuba warahetamishijwe kugira ngo ukwire muri firigo, wasanzwe nta gikomere kigaragara inyuma ufite, ndetse abapolisi ntibabashije kumenya icyahitanye uwo muntu n’igihe yapfiriye.

Ku wa Gatanu tariki 29 Mutarama 2021, ni bwo inzego z’umutekano zafashe Yoshido ziramufunga.