Ubwirakabiri bwabonywe n’abatuye muri Aziya, Afurika, ndetse n’u Burayi babonye ukwezi kwabaye nk’amaraso.

Ubwirakabiri bwatangiye kugaragara Saa 17:30 za nimugoroba ku isaha ngengamasaha burangira Saa 18:52.

Kugira ngo habeho ukwezi kw’amaraso cyangwa ‘blood moon’ biterwa n’uko Izuba, Isi n’ukwezi bijya ku murongo umwe, aho Isi iba yagiye hagati y’Izuba n’Ukwezi, bigatuma imirasire y’izuba itabasha kugera ku kwezi neza aho kugira ngo gukomeze kugaragare neza, kukagaragara mu ibara ritukura cyane.

Ubu bwirakabiri bwuzuye ‘total lunar eclipse’ bwagaragaye neza mu bihugu byo muri Aziya birimo u Buhinde n’u Bushinwa.

Ibihugu byo muri Afurika y’Iburasirazuba na byo byagaragayemo ubu bwirikabari ndetse no mu Burengerazuba bwo muri Australia.

Ubwirakabiri nk’ubu bwaherukaga kugaragara muri Werurwe 2025, gusa no mu 2022 bwari bwagaragaye.

Ukwezi gufite ishusho y'amaraso kwagaragaye mu bice bitandukanye by'Isi

Muri Aziya, Afurika, u Burayi n'ahandi babonye ubwirakabiri

N'i Kigali abarebaga mu kirere babonye ubwirakabiri