Rumeysa Gelgi w’imyaka 25 afatwa nk’umugore wa mbere muremure ku Isi, dore ko afite uburebure bwa metero 2 na santimetero 15.

Yagiye muri Amerika mu ndege ya Turkisha Airlines ariko byabaye ngombwa ko babanza kuvugurura igice yagiye yicayemo kugira ngo akwirwemo.

Kubera ko kwicara cyangwa guhagarara umwanya munini bimuvuna, bamushakiye uburyo aho yagiye yicaye ashobora no kuharyama.

Uburebure bwe buturuka ku ndwara izwi nka Weaver syndrome ituma amagufwa y’umuntu akura imburagihe, akaba muremure bidasanzwe. Ni indwara ikunze kuba uruhererakane rukomoka mu muryango.

Gelgi usanzwe ari umushakashatsi n’impirimbanyi agiye muri Amerika mu bukangurambaga bugamije kumenyekanisha indwara zidakunze kuvugwa zirimo na Weaver syndrome arwaye.

Uyu mugore yagiye muri Amerika mu ndege ya Turkish Airlines ariko byabaye ngombwa ko babanza kuvugurura igice yagiye yicayemo

Rumeysa Gelgi w’imyaka 25 afatwa nk’umugore wa mbere muremure ku Isi