Musenyeri Giles Goddard, wa Diyosezi yitiriwe Mutagatifu Yohana iri ahitwa Waterloo, mu Mujyi wa London yatanze ubutumwa bwiswe ubwa Kiyisilamu mu rusengero ayoboye Mu nyigisho yatanze akaba yaragize ati ‘’We love Allah’’ bisobanuye ngo “dukunda Imana”, abenshi bakaba batumva neza ibyakozwe n’uyu mushumba.

Nk’uko tubikesha Daily Mail, bwari ku nshuro ya mbere ibi bibaye mu mateka, kuko ibikorwa by’Abayisilamu bitigeze bikorerwa mu nsengero z’Abongereza, ari na byo byateje umukwa mubi.

Musenyeri Giles Goddard

Uyu mukuru w’itorero akaba yabyise agahomamunwa kuko byabangamiye ubusugure bwaryo.

Rev Goddard yavuze ko ibyo yakoze atari bibi kuko nta kibi yari agamije uretse guha abantu umwanya wo gusenga Imana.

Abinyujije ku rubuga rwa internet yabwiye abakirisitu ko ibyabaye bitanyuranyije n’amategeko kandi ko bitari bikwiye guca ibikuba mu bantu.

Urusengero ruyoborwa n'uyu mushumba

Yagize ati ‘’Birashimishije kandi biteye ishema kuba urusengero rwacu ari urugo rwakira abashyitsi Imana dusenga n’imwe, yo iduha ubuzima n’urukundo. Dukwiye kuba umwe kandi tugaharanira gushyira hamwe aho guharanira ibidutandukanya.”

Rev. Robin Weekes Umuyobozi wa Angilikani i Wimbledon we yatangaje ko ibyabaye binyuranyije n’amahame y’itorero bikaba ari n’ikizira kuko bikorogoshora Abakirisitu bemera Imana nk’Imana.