Umwamikazi w’u Bwongereza yagaragaye mu ruhame ari ku ifarashi

Yanditswe na Umwali Zhuri
Kuya 1 Kamena 2020 saa 08:41
Yasuwe :
0 0

Umwamikazi w’u Bwongereza, Elizabeth II, yagaragaye mu ruhame atwaye ifarashi, aho ari inshuro ya mbere agaragaye kuva ku wa 23 Werurwe ubwo hashyirwagaho amabwiriza yo kuguma mu rugo mu kwirinda icyorezo cya Coronavirus.

Mu mpera z’iki Cyumweru, yagaragaye ari ku ifarashi y’imyaka 14 ari gutembera mu busitani bw’ibwami bwitwa Windsor Home Park. Yari yambaye igitambaro mu mutwe kimukingira umuyaga.

Umwamikazi w’u Bwongereza ni umufana ukomeye w’imikino yo kwirukanka ku mafarashi, ari nayo mpamvu akunda kugaragara ari ku ifarashi. Muri aka gace yarimo, ni naho yizihirije isabukuru ye y’imyaka 94 ku wa 21 Mata ubwo ingamba zo kuguma mu rugo zari zarakajijwe cyane.

Mu muryango w’ibwami, usibye igikomangoma Charles cyanduye icyorezo cya Coronavirus muri Mata uyu mwaka, nta wundi muntu wigeze urwara COVID-19.

U Bwongereza ni igihugu cya gatanu cyibasiwe cyane n’icyorezo cya Coronavirus aho kugeza ubu gifite abantu 274762 banduye naho abapfuye bakaba ari 38489.

Umwamikazi w’u Bwongereza yagaragaye mu ruhame ari ku ifarashi, yari ku nshuro ya mbere kuva muri Werurwe ubwo hashyirwagaho amabwiriza yo kuguma mu rugo

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .