USA: Umwana yavukanye iminwa ibiri

Yanditswe na Umutoni Rosine
Kuya 31 Gicurasi 2020 saa 09:12
Yasuwe :
0 0

Uruhinja rwo muri Leta ya Carolina rwavukanye iminwa ibiri, bikaba ari ibintu idasanzwe kuko kuva mu mwaka wa 1900 havutse abana 35 bameze gutyo.

Abaganga babanje kwikanga ubwo babonaga uko uwo mwana w’umukobwa ameze ubwo nyina yari amutwite.

Ubwo umwana yavukaga, yavukanye iminwa ibiri. Umunwa wa kabiri warimo ibihanga bigaragara ko bizameramo amenya atandatu, ururimi ruto mu munwa muto n’urundi runini mu munwa munini.

Nubwo ibyo bice by’inyongera by’umubiri nta ngaruka zizwi bigira ku muntu, byabaye ngombwa ko bamubaga bakabivanaho.

Nyuma y’amezi atandatu abazwe, nta zindi ngaruka byamugizeho uretse utubyimba duto munsi y’umunwa. Yabashaga kurya nta bufasha bundi ahawe.

Ubushakashatsi bwatangajwe mu kinyamakuru cyandika ku bintu bidasanzwe ku buzima BMJ, buvuga ko kuvukana iminwa ibiri ari ibintu bidasanzwe kubaho biterwa n’imigendekere mibi y’utunyangingo mu mubiri ariko ko nta bindi bibazo bibishamikiraho.

Ubu bumuga usibye kuboneka mu bantu, hari n’izindi nyamaswa bwagiye bugaragaramo nk’injangwe, ihene, inkoko n’ingurube.

Aho byari biherutse kuba ku bantu ni muri Australia mu mujyi wa Sydney aho umwana yavukanye igihimba n’umutwe umwe ariko afite amasura abiri ariho iminwa ibiri. Uwo mwana yapfuye nyuma y’iminsi 19 avutse.

Kuva mu mwaka wa 1900 ku isi havutse abana 35 bafite iminwa ibiri

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .