Ibindi bintu bitandukanye biranga ubuzima bw’inzoka

Imbuga zitandukanye za internet zigaragaza bimwe mu biranga ubuzima bw'inzoka n'ibindi bizerekeye.Dore bimwe muri byo:

-Inzoka ni indyanyama. Zirya udusimba twinshi turimo imiswa, imbeba, inyoni ibikeri n’ibindi bikururanda.

-Inzoka ntigira ibigohe

-Inzoka itera amagi nk’uburyo bwayo bwo kororoka ariko hari amwe mu moko yazo abyara.

-Inzoka yiyuburura hagati y’inshuro eshatu n’esheshatu mu mwaka

-Inzoka izi kugenzura ubushyuhe n’ubukonje mu mubiri wayo; mu mbeho yota izuba, igihe hashyushye ikaruhukira mu gicucu

-Inzoka ntihekenya ahubwo imira icyo iriye uko cyakabaye

-Amatwi y’inzoka aba imbere, ntigira amatwi inyuma

-Ku isi yose hariho ubwoko busaga 3000 bw’inzoka

-Ururimi ni rwo rufasha inzoka kunukirwa

-Zimwe mu nzoka ziba mu mazi zihumekera mu ruhu kimwe mu bizibashisha kwibira mu mazi kure.

-Inzoka zica abantu ibihumbi 100 buri mwaka

-Hari akarwa ko muri Brazil abaturage babujijwe kujyaho kabamo nibura inzoka eshanu kuri buri metero kare

-Hariho inzoka zigira imitwe ibiri, umwe ushobora kurwana n’undi ipfa ibyo irya.

-Inzoka 10 za mbere zica kurusha izindi ziboneka muri Australia, ahari ubwoko busaga 140 bw’izikaze kurusha izindi ku isi

-Inzoka ziboneka hose ku isi usibye muri Antarctica, Iceland, Ireland, Greenland na New Zealand.

-Inzoka zifite ububasha bwo kuba ahantu hatandukanye, mu mazi, mu mashyamba, mu butayu n’ahantu hari ibyatsi byinshi.

-‘Anaconda’ ni ubwoko bw’inzoka zitagira ubumara ziba muri Amerika y’Epfo; izi nzoka zishobora kugira metero eshanu z’uburebure.

-‘Python’ ni inzoka zishobora kugira uburebure bwa metero 8.7 zikaba ari zo nzoka ndende ku isi.

-Abanyamerika basaga 50% batinya inzoka kuruta ikindi kintu cyose ku Isi

-Inzoka ntigira ubushobozi bwo guhumbya, n’iyo isinziriye amaso yayo aba afunguye

-Abakomando bo muri Lebanon barya inzoka nzima, umuco ugaraza ubuhangange bwabo

-Inzoka ishobora kumara imyaka ibiri itararya

-Urutirigongo rw’inzoka rugizwe n’utugufwa turi hagati ya 200 na 400