Abahanga mu bushakashatsi bavuga ko umwana w’umukobwa amenya kuvuga vuba kurusha umuhungu kandi ko umugore avuga inshuro eshatu kurusha umugabo.

Amakuru dukesha urubuga rwa Gentside avuga ko ubushakashatsi bwakozwe n’abahanga bwerekana ko abagore bavuga kurusha abagabo. Ibyo ngo bikaba bituruka kuri proteine yitwa FOXP2 iba mu bwonko ikorana n’uburyo umuntu avuga.

Abahanga bakoze ubushakashatsi bemeza ko umwana w’umukobwa amenya kuvuga vuba kurusha uw’ umuhungu. Abandi bashashatsi babonye kandi ko umugore avuga inshuro eshatu kurusha umugabo, aho basanga umugore ku munsi ashobora kuvuga amagambo agera ku 20.000 mu gihe umugabo we avuga agera ku 7.000. Ikindi kandi ngo usanga abagore bavuga bihuta cyane kurusha abagabo.

Maryland umwe mu bakoze ubwo bushakashatsi avuga ko n’ubwo umugore n’umugabo bose bafite proteine yitwa FOXP2, impamvu umugore avuga amagambo menshi kurusha umugore ni uko uburemere bwayo butangana, aho usanga umukobwa arusha umuhungu 30% kuri iyo proteine.